Monday, September 17, 2007

فـراولـة ، لوحـة ، طـرحـة




رأيك ف نفسك ، و رأي الناس فيك ... ما أبعدهما عن بعض .

انهاردة بعد صلاة التراويح أختي شاورتلي على بنت بتصلّي ، و قالتلي حاتبقي شبهها لو اتحجبتي .
و ف نفس اليوم جاتلي اللوحة دي ف ايميل من صديقتي الجميلة نهال المصري ... و بتقولي انها فكرتها بيا ... و بالبلوج .
قبل كدة ، مرة كنت بشرب عصير فراولة ، و برده اتقاللي انه شبهي ...

كل الحاجات دي جميلة طبعاً .. لكن المفاجأة تكمن ف ان الواحد بيبص لحاجات تانية عشان يفكَّر نفسه بنفسه ...
مرة كنت ف الساحل ف الشتا ... و طلعت على البحر بالليل ، رغم بعض الرهبة من الرملة اللي بان عليها خطوط الريح لقلة الأقدام عليها ف الشتا ، و الضلمة لدرجة اني ماكنتش شايفة ايدي ، و وضوح النجوم بشكل مرعب ، كمِّلت و وصلت لأقرب نقطة من المية قدرت عليها ... قعدتُ استمتع بالمنظر ، لكن طبعاً كنت حتـلِّج .
شوية و شفت نور جي من ورايا ." ايه دة اية دة؟ هما مش العفاريت و الأموات بيخافوا من الضلمة ؟ ايه اللي جابهم دلوقتي ؟؟ " كانت بنت صغيرة جداً و منوَّرة كشاف من الموبايل ... صغيرة جداً على الشجاعة دي ... عندها بتاع 13 - 14 سنة ولا حاجة . كل ما تقرَّب ، صوتها يبان ، كانت بتغني . اللي عرفت اتبينه انها بتغني إنجليزي ... هيه تقريبا ما شافتنيش أو الله أعلم ، بس كنت مبسوطة بيها جداً ، و اتكسفت من نفسي كمان و انا خايفة جداً كدة ، و مش بطلَّع صوت واحد ...زي ما كون قاعدة ف بيت الغول ..

انا شبهت نفسي بالبنت دي ... او اقنعت نفسي ان "انا"ــتي جت تطل عليا تشوفني عاملة ايه ؟ و تطمني و تمشي على طول (تلعب في المراجيح اللي بعيدة عن الرملة ) .

رغم اني وانا صغيرة كنت خوَّ افة ... عمري ما كانت حتجيلي الجرأة اني أخرج برة البيت ف الضلمة و سقعة دي

12 comments:

Islam said...

لا أستطيع الكذب ولكن بعد بعض التمعن فعلاً اللوحة تعكس شخصيتك لما فيها من قهوة منبعثة من كل أرجائها و تمتع المرآة بها مع إنسدال شعرها بطريقة لا كبالية بعض الشئ تعكس الجمال الطبيعي بها وهو يحدث أحيناناً معكي من الممكن أن تكون هذا ما تقصده نهال و لكن بالنسبة لما حدث في الصلاة فلا فكرة لدي و لكني وصلني مقصدك من البلوج و لكني أعدقد أن الإنسان لا يثبت على شكل و أنه يتغير بالأحذاث لتي حوله مع أن هناك ثوابت مثل سارة تحب الفراولة مثلاً :) و لكن لم يصلني كيف تشبهي الفتاة الصغيرة مع أنها أشجعك منكي و أنت صغيرة؟؟!!! هل من الممكن أنك تمنيتي أن تكوني هذه البنت لدرجة أنك صدقت أنها تشبهك؟؟؟!!!!

e7na said...

غريبه الحاله شويه
محيره

مش عارف اقول رايي بصراحه

Sara Swidan said...

islam...

كلامك جميل جداً والله ! ميرسي لذوقك وحياة ربنا !


تقريباً زي مأنت بتقول آه ...اتمنيت اني أكونها . مش عارفة و الله !!

Sara Swidan said...

E7na...

كفاية اهتمامك بانك تتعب نفسك و تبعت تعليق ..

شكراً !!

انت مجلة احنا ؟ بجد تبقى صدفة العمر يعني لو كدة !

e7na said...

لا للاسف مش هى
وشكرا لزيارتك مدونتى اللى شرفتنى

Sara Swidan said...

e7na...

يا راجل لا شكر ولا حاجة ... دة احنا بلوجاتية زي بعض . عيب!!
:)

alzaher said...

في فيلم "save the last dance"
كان فيه الجملة دي على الأفيش
"the only person you have to be is you"
:)

شباب مسلم said...

اسلوبك جميل جدا جدا فى التدوين على فكره ...ده اولا

ثانيا .. انا ارى انه يجب على الانسان ان يكتشف نفسه ... مش اسطورته الذاتيه والكلام العبيط بتاع خالد كساب ده ... اطلاقا .. انما لازم هو نفسه يعرف هو مين و هو اللى يشوف مش الناس اللى تشوفه

Sara Swidan said...

عمرو ...

أول مرة أعرف ان الجملة دي كانت على أفيش الفيلم ... لكن هي جملة جميلة ... و مخيفة كمان ...

لأن الواحد ساعات مش بيكون حاسس انه كويس أوي يعني عشان يظهر نفسه بالكامل كدة ...

لأ الجملة مخيفة !

شكراً يا باشا!! نوَّرت و آنست !! :)

Sara Swidan said...

شباب مسلم ...

شكراً بجد على المجاملة الجميلة !
موضوضع اكتشاف الذات دة رحلة و حكاية طويل ... فعلاً لو بدأت فيها ، مش حتقف إلا لما تجيب آخرها...

لما قرَّبت أجيب آخرها ، قلت أقعد شوية أشربلي فنجان قهوة ولا حاجة ... و هوب ... ببص لقيتني جريت مني و تـُهت..
و أهو أديني رجعت أدوَّر علياّّ .

( طبعاً الموضوع مش بالهزلية دي )


شكراً شباب مسلم !

Anonymous said...

LOOOOOOOOOOOOOOOOOOOOL :D :D , i cant beleive u really posted this pic. bs 3la fekra yeah islam kalamo sa7 ana lma olt enha btfkrny beky kan asdy u both have the same mood , bein so normal , simple just bein u and of course LOVIN COFFEE and 2 let u know enty btseby ll odamek nfs el entba3 el hea7'do lma yshof this picif u know wat i mean watever just keep on ;) w lo 3la el pix hagblek kol yomm pic feha 7eta mn sha7'sytek :D

Sara Swidan said...

Pink Dimon...

صباح الخير... انتي لسة فاكرة؟؟؟


الكلام الحلو دة مش كويس عشاني والله يا خوانا!!!


بس عموماً دة شيء رائع ان شخصيتي تكون مبعثرة على الصور !!!

that's Good 2 know!!:)

nice comment i thank u for!!:D:D