Tuesday, September 11, 2007

يا فتَّاح يا عليم


كنت عارفة إني في يوم من الأيام كنت حستسلم ... و أعمل لنفسي بلوج ، كنت قاعدة في أمان الله لحد ما جت الفكرة اللحوحة دي تحت تأثير البلوجات الجميلة اللي بدخل أتفرج عليها. و على رأسهم الكنبة الحمرا و فلافل و جومة و طماطم و حاجات تانية كدة كتير

و طبعا دي مش أول محاولاتي لعمل بلوج...لكن المشكلة اني معنديش انتماء للحاجات اللي بعملها ، بنساها . لكن بما إني ورَّطتُ نفسي خلاص ، في بلوج و نويت أعمله بالعربي الدافي... غصب عني حتنيِّل انتمي. و منها بردو أتعود على الكتابة بالعربي على الكمبيوتر...يمكن أركن الورق و الأقلام على جنب بقى..
دي أمريكا طـَلـَعِـت (بفتح الـ ط و الـ ل) القمر ، و أنا لسة معرفش أكتب بالعربي؟ و لا أشرب قهوة ف البيت؟ ولا أولَّع البوتاجاز بالولاَّعة؟ و لا أشرب نسكافيه بوش؟
لا لا لا .. كدة مش حلو...

بركاتك يا شيخ بلال انت و بهظ بيه... انشاء الله حنتمي للبلوج ، و حفهمكوا العلاقة بين كل الحاجات اللي فوق دي!!

يللا بينا

6 comments:

Islam Taha said...

First ya AntiBloger e7's 3aliky u mentioned 2 blogs w didn't mentioned mine (and by the way they are funny cool blogs i really liked them) mashy mashy w ba3din mate3rafish te3mely ahwa fel beet ya 7'ebtik allah yekon f 3ono :P hehe about the american invading dah already 7asal but ya3ny it is your wrong not to write in arabic :P anyway my great congrates for the blog and wanna to hit us every period of time by a great thing :D yala take care

karim said...

Hi,,hw u doin,,nice blogs,,,but i prefer if u gonna write it in arabic..write it by the ARABIC...nt the egyptiean Arabic or @ least write it by the white arabic lang. ....tc ..best of luck and best of wishes sarah...karim kamel

Sara Swidan said...

Islam Taha

مانت لو صبرت على رزقك حتفهم ايه علاقة القهوة ف البيت بالبوتاجاز و الولاعة و النسكافيه اللي بوِّش!!

على فكرة البلوج بتاعك آخر مرة كنت عايزة أفتحه ، مش عارفة كان في ايه كدة ما كنش بيظهر...

ف انا افتكرتك قفلت الدكان بقى ولا اي حاجة!

Sara Swidan said...

karim

و الله يا كريم بحاول ، لكن بيني و بينك لما بدخل على بلوج و الاقيه كله بالعربي الفصيح كدة ...مش عارفة ، الكيمستري بتاعته مابركبش معايا خالص...

و الله أعلم يمكن في يون من الأيام كدة أصحى من النوم ألاقي نفسي بتحدَّث العربية الفصيحة على طريقة أفلام الكرتون المودبلجة... و بطلاقة!!!

شكرا على تعليقك يا كريم!

Sara Swidan said...

Nice blog ya sara..
3agebny begad.. gawo 7elw..
color nice..!!
coffe tab3an..''Alhoma Eny S2ema'':D
w tar2tek begad 7elwa w 3ala tab3tak..
Keep goin' ya o7'tchy

Islam said...

hwa meen ely beyetkalem bel zabt :D