Tuesday, September 11, 2007

معرفش ليه



التصوير حاجة فعلا جميلة...انك تتفرَّج على صور دة حاجة منعشة جداً ، تخليك تاخد بالك من الحاجات اللى ثابتة حواليك و في نفس الوقت بتلفت نظرك لدرجة مخيفة ، لدرجة انك متبقاش عارف تتحرك من غير كاميرا في شنطتك ، و ان حصل و نسيتها ، بتبقى مش عايز تدقق أوي في التفاصيل الجميلة اللي بتقع تحت عينك لوحدها كدة ... عشان متتقهرش على الصورة اللي كان ممكن تلقطها لو كانت الكاميرا معاك...

المدهش بقى انك تلقط صور بالصدفة كدة و تطلع حلوة ، لو ركِّزتوا ، حتلاقوا كل الصور الـ"موشن" بتطلع هايلة ، مهما كانت مطلخبطة و ملهاش معالم...كمان الصور اللي بتاخدوا لحد قاعد و مش واخد باله إنه بيتصوَّر.

كل دة كلام جميل...

لكن الشيء الحزين في التصوير إنه بيعزل تماما أي جمال نفسك تشوفه في الحقيقة ؛ يعني مرة كنت بتفرج على راجل بيصطاد سمك على البلوكات ، كنت مستمتعة جدا و انا بتفرَّج عليه ، لكن في نفس الوقت نفسي أصوَّره. لما بّبُص ف الكاميرا مش بشوف نفس الجمال خالص...الحيرة بقى . أصوَّره ، و لاّ أتفرَّج عليه (غالبا بعد الصورة ما بتتلَقَط ، حتى لو من غير فلاش , اللى بيتصَوَّروا بياخدوا بالهم مش عارفة ازاي)...فوصلت لمرحلة مع نفسي ، بعنف كدة بقولها : "يا تبصي بعدسة الكاميرا يا تبصي بعينيكِ؟؟" لأنه فعلاً مافيش تسوية مرضية حوصَّلها ترضيني و ترضي الصور...
و أخدت القرار "كليك" صوَّرت الراجل ، و لما شفت الصورة لاقيتها معقولة ، فاكتفيت
و رغم ان الراجل ماخدش باله ، حطيت الكاميرا الشنطة و مشيت. معرفش ليه!.

2 comments:

Islam Taha said...

dy 7a2i2a el wa7ed b yendam en ma2a7'adsh 2alit el taswir ma3ah dayman bs ana 3aza2y beykon en el sora ma7foura in my mind and if i can't picture it by a cam i can picture it with a pen and a sheet of paper wala aih w enty aktar wa7da 3arfa kda w ba3din i agree en the all in sudden pic prettier than the posed one but sometimes we need the posed one to see ourselfs when we are smiling w keda :D each one needs it's time i think ya3ny bs really ya sara.... u r a wonderful person full of surrprises u rocks keep goin

Sara Swidan said...

Islam Taha...
كلامك مظبوط. كنت بعمل كدة زمان : اني أصوَّر بقلمي الحاجات...

لكن كتير...كـــتــــيــــر. ماكنتش برضى عن تصويري. و اكتشفت ان المةضوع دة فعلا مرهق...و عايز حد متمكن جدا م الكتابة و كدة!!

و حكاية تجهيز الصور دي...انك تاخد pause و كدة ، دة بحس انها لحظات ملفقة للظهور في احسن صورة (و اللي مش بالضرورة تكون فعلا حلوة) بس هوة الاحساس من جوة.

و دة كمان ما يمنعش اني اتعمد أحوَّلّ بعنيا امام اي كاميرا عايزاني آخد pause

شكرا اوي يا اسلام