إيه اللي ممكن يخوِّفك أوي ف الهالووين؟
زمان كنت بخاف م الأسانسير،
دلوقـتي لأ !
من الضلمة ،
دلوقتي ساعات و ساعات ...
م الصراصير ،
و مازلت .
مانزلتش م البيت انهاردة ، و جبت علبة آيس كريم كبيرة ، و نزلت عليها فرمتها ، احتفالاً بعيد الشياطين زي ما بعض الناس بيقولوا .
و نسيت خالص إني لسة عندي مخاوف .. أكبرها ؛
الخوف من الطـُخــن .
كل هالووين وإنت طيب .. ياترى كمان عشرين هالووين ، هـيـبـقـى مقاسي كام ؟
ياترى أنا خفت أنزل م البيت ؟ ولا كنت خايفة مانزلش ؟؟
زمان كنت بخاف م الأسانسير،
دلوقـتي لأ !
من الضلمة ،
دلوقتي ساعات و ساعات ...
م الصراصير ،
و مازلت .
مانزلتش م البيت انهاردة ، و جبت علبة آيس كريم كبيرة ، و نزلت عليها فرمتها ، احتفالاً بعيد الشياطين زي ما بعض الناس بيقولوا .
و نسيت خالص إني لسة عندي مخاوف .. أكبرها ؛
الخوف من الطـُخــن .
كل هالووين وإنت طيب .. ياترى كمان عشرين هالووين ، هـيـبـقـى مقاسي كام ؟
ياترى أنا خفت أنزل م البيت ؟ ولا كنت خايفة مانزلش ؟؟
17 comments:
لا ماهو ماينفعش تتخنى
الصورة هتتغير ... ها حافظى على الوزن الخفيف و أستعملى سمنه من اللى بتقلل الكلسترول
و كل سنه و انت طيبه
اقولها عندنا معرفوش النسكافيه غير من سنه تقولى الهالوين
واحب اسمع افنية المطرب الاخنف حماده هلال
هالوين قوى
طعمين قوى
الله أكبر علينا
هالوين قوى
ولا قبلنا ولا بعدينا
دي أول مرة أعرف إن فيه مصريين بيحتفلوا بالهالويين
:)
Bahz Baih...
م أنا بقول كدة بردة يا بهظ !!
لكن السمنة دي منتج مش بيدخل باب الشقة ...
مامي برده عندها نفس المخاوف
:)
e7na ...
أكيد العيد موجود ف الهوا ...
من غير مايكونوا عارفين إسمه ...
و بالتدريج كدة كل واحد بيقع فريسة لمخاوفه ف اليوم دة .
حمادة هلال مطرب سواقين التاكسي . عيب، ماتقولش عليه كدة
دي غيرة دي ولا إيه؟؟
:)
فنجانك انهرده
مشتته بين الدفا اللى ف قعدة البيت حتى لو انتى مش مقدراه .. و بين رغبتك ف سفك دم الأيس كريم الساقع أوى رغم انك مبتعرفيش كيف يكون تناول الأيس كريم
محتاجه تراجعى نفسك بخصوص تقديرك لقدراتك.
أميره :)
هالوين ايه وبتاع ايه يا شيخة ما عفريت الا بنى آدم ههههههههههههههه
بالهنا والشفا الأيس كريم وعقبالنا يارب .. هو ده عادى بيتاكل كدة ولا معاه عيش فينو ؟؟
حبيت ارخم .. سلامز:)
el halween ha!! okay trick wala treat so... i must say enik gain weight ya sara extra weight w bayen 3aliky 3ala fekra bs marditsh 2a3ala2 (this is my trick :P cos u didn't gave me the treat) hehehe :P beside every one gain weight when they get older so.... i think u r good now :D w ba3din 3ady ya3ny :P
مش عارف
انا بصراحة بفطس من الضحك في الايام دي على اللي بيعملوة برة
بس يعني لو بتسألي عالخوف
اكتر حاجة خايف منها
اني لما اعجز
دكتورى اللي هيبقى غالبا واحد زميلي
يقوللي انت مش هينفع تشرب قهوة عشان قلبك
ساعتها ممكن اخسرة
اه والله
:)
سلام
alzaher....
آدي طريقة الاحتفال يا سيدي
!!
مـخـطـوبـه ...
يا أميرة ... تعليقاتك بتخوِّفني !!
بس خلاص...
عايزة أشوفك يا أميرة !
Foxology ...
إيــــــــــــــــه دة؟؟؟؟؟؟؟
إنت عرفت ازاي!!!
أنا ساعات بسيبه يسيح شوية خالص كدة ... و بفرده على توست أبيض ...
آخ ياني !!
أنا هضيَّع نفسي !!
نوَّرتني يا باشا
Islam...
بس !! بس!! إنت عارف أنا لو حسيت للحظة واحدة إنك ممكن تكون بتتكلم جد ، أنا مش عارفة مممكن أعمل إيه ف نفسي..
إنت معندكش فكرة يا إسلام أنا فعلاً خايفة من الطخن أد إيه ... زي مثلاً لو فتحت علبة آيس كريم و أخدت معلقة ... و بصيت ف المعلقة لقيت عليها صرصار ...
هو دة بيكون احساسي لما بشوف نفسي زايدة سنتيمتر واحد ...
كفارة...
إسلام طلع م السجن يا جماعة ... قهوتنا عليه انهاردة و بكرة و الأسبوع الجي كله !!
:)
نوَّرتني يا إسلام !
أحمد سلامــه ...
لأ ألف سلامة عليك ...
حبقى أهرَّبلك أنا القهوة ف المصحة النفسية إنشاء الله .... ولا تشيل ف بالك خالص الموضوع دة ...
فكرتني كمان بالخوف من الشيخوخة
حكلمك عشان نخرج .. انتظرونا
فاكر انا فى يوم الهالويين كنت انا وصديقى هانى قاعدين فى المكان المفضل اللى داميا بنقعد فيه ... ولما اقول هانى الملقب ببلحه يبقى بتكلم على اكتر شخصيه فى العالم ليها دماغ كارتونيه بحته لدرجة انه مره كان قاعد يتخانق مع بن اخوه ذو العشر سنوات ربيعا عشان هانى كان عايز يتفرج على قناة ديزنى وابن اخوه كان عايز يشوف اخر كليب لهيفا
بيتهيألى الصره كده اتضحت :)
مين غير هانى ممكن عيد الهالويين يفرق معاه ؟؟
فى الاول عدينا على كل اصحبنا اللى قاعدين نقولهم كل سنه وانتم طيبين بمناسبة الهالويين .. وقعدنا نعمل وشوش مرعبه ونطلع اصوات وحوش متمردة لكل حد من القاعدين
طبعا كله عمال يبصلنا ويصحك ولسان حاله بيقول هى ناقصه هبل !!
كان نفسنا انا وهانى نحتفل بالهالووين بجد ... لدرجة قعدنا نفكر ياترى ممكن نعدى على البيوت وانا وهو متنكرين فى زيين لفامبير وديناصور غلبان منقرض
وقعدنا نتوسع بخيلنا ... اه بقى ونعدى على الناس ونقلهم ... حلوى او خدعه ... مفكرناش ايه بجد اللى ممكن يحصلنا لو كنا خبطنا على بيت حد غريب الساعه 12 بالليل واحنا لابسين كده وبنقول كده ... ياترى كان ايه اللى ممكن يحصلنا !!
عارفه ايه اللى وقفنا ؟! قرع العسل .. قولت لهانى انت تعرف تجيب قرع عسل منين ودلوقتى ؟؟ قالى لأ طبعا ... قعدنا نفكر وقولنا خلاص نجيب بطيخه ونفرغها بدل قرع العسل ... واهو يبقى هالويين روحه بلدى شويه ... وممكن نغير اسمه من عيد القدسيين لعيد الاصوليين مثلا !!
طبعا فوقنا لقينا نفسنا قاعدين على التربيزه بنحلم بس بصوت عالى ... وبعدين ديقتين بالظبط نسينا كل حاجه عن الهالويين واللى اخترعوا الهالويين !!
بس بجد انا عندى نساؤل ؟؟ ليه الاعياد بتاعتنا روحها مش حلوه زى بره ؟؟
مش احنا المفروض ناس دمهم احمى واكتر حميميه وتاّلف زى ماديما بيقولو لينا ؟؟
دياما من وانا صغير كان بيبقى نفسى اوى احتفل بالكريسماس .. وأزين الشجره واحط النجمه فوق خالص .. واصحى الصبح عشان الاقى سانتا كلوز جه وحطلى الهديه اللى بحلم طول السنه انها تجيلى فى اليوم ده ...
ليه دايما فى العيد بلاقى نفسى اكئب خلق الله ؟؟ عندك تفسير ؟؟
بس قرار خدته ... ان السنه الجايه انا وهانى واللى نقدر نلمه من اصاحبنا بجد هانحتفل بالهالويين ... واللى يحصل يحصل
Prozaaak ...
والله يا بني دي بقت حياة صعبة ..
بعد كدة ابقى قللي بقى ... أجيب أنا البطيخة ... و الملايات المرومة اللي حنلبسها و نخوِّف الناس ف بيوتها ..
:)
إنت حكايتك حكاية إنت كمان
!!!
خليك على اتصال معايا يابني ، تعبتك معايا أنا اسفة جداً ... بس إنت اللي جبته لنفسك تقريباً
:)
Post a Comment