Thursday, October 18, 2007

آه ، لو كنت زي المنبه ، معنديش أي مشكلة إني أقلق الناس النايمين


لأ لأ من غير رغوة


أول ما ابتديت أشرب نسكافيه ، كانت بداية إحساسي بنفسي على إني دلوقتي واحدة كبيرة . واحدة مش عيلة هايفة أي كلام . لأ .. أنا دلوقتي بشرب نسكافيه . مش أي حد يعني .

و على ما تمرَّست و عرفت المعايير و الطرق المظبوطة إللي تطلعه مج نسكافيه من الدرجة الأولى ، كنت ف أولى ثانوي .

بحكم العادة أي حاجة ممكن تتغيَّر .. و بحط خط تحت كلمة "أي" . لو البني آدم بس عنده شوية حاجات حتبان و أنا بحكي الحكاية .

إيه بقى الحكاية يا ولاد... إسمعوا و ركِّزوا ؛
خالتكوا سارة (اللي هي أنا) تنام بعد الضهر ، بعد ما تيجي من المدرسة ، و تصحى بالليل و البيت كله نايم .. و طبعاً بديهي يعني حتصحى تشمشم على إييييه؟؟ النـسـكـافـيـه !
و أدخل المطبخ أبتدي أعمل نسكافيه . آجي أعمل وش ... ألاقي نفسي بعمل دوشة و أنا عمالة أضرب ف النسكافيه عشان أعمل وش ، أحس إن كل النايمين ممكن يصحوا ... أسيب المج ، و مكملش عمل الوش ... فيطلع ف الآخر وش خفيف ، و ساعات ميطلعش خالص ..

شوية شوية ... بقيت بشربه من غير وش ... بستمتع بيه و هو من غير وش . و لما بشربه بوش ، بستمتع برده طبعاً ، لكن مش زي اللي من غير ..

جميل أوي ..
عشان كدة بشربه من غير رغوة ! كلام منطقي .

بحكم ... مش عارفة بحكم إيه ؟ التقدم ف السن و لا ايه ؟ ماعرفش . بقيت بشرب كل حاجة من غير سكر ...
خوف من الطخن ، و معلومات كتير عرفتها عن أضرار السكر .

و لما مرة كنت قاعدة كدة مع نفسي ، و قلتلها تقوم تعملي نسكافيه ... تأففت شوية كدة و قالتلي : هو أنا لسة حقوم إنتي كمان ... مش لازم تشربي أصلاً .. رديت عليها و قلتلها : ليه يا بنتي ، دة مش حياخد وقت ..دة نسكافيه من غير رغوة و من غير سكر ..

اكتشفت إني بالتدريج سمحت للحياة إنها تجرَّدني من كل حاجة ...
ف يوم من الأيام حشربه من غير لبن ، و من غير نسكافيه .



تخيلوا بقى لو كان النظام اليومي عندي مظبوط ، بنام الليل و أصحى النهار و أنا ف أولى ثانوي ، كان زمان الوضع اختلف قد إيه ؟

(برده وشّ .. مافيش فايدة )
؟

28 comments:

Bahz Baih said...

لو كنت بدماغك دى زى الناس العاديين بتنامى بليل و بتصحى الصبح فعلى أولى ثانوى كده كنتى جبتى بقرة و حطيتيها فى المطبخ ... و كل يوم الصبح بدرى تروحى تحلبيها و تشربى لبن بس ... و لكنك على تالته ثانوى هتلاقى ان البقرة عملالك مشاكل كتير يعنى بسيم بقى و أزعاج .. ده غير مشكله التخلص من السماد
كنتى هتقررى تجيبى بقرة خرصا ... مش هتلاقى فتشربى لبن من عند الراجل ... لغايه ما يجى جميل راتب يعمل الاعلان بتاع صحتك فى العلبه دى فعلى تانيه جامعه تشربى لين نيدو و أمرك الى الله لغايه مل تزهقى من اللبن النيدو ... مانت أكيد بتزهقى ... فتعملى بلوج أسمه شوب حليب و يبقى عنوان أول بوست فيه "إحنا بقر" و كنت برضى سألتى لو كنت بنام الصبح و بصحى بليل زى الناس اللى مش عاديه كنت عملت أيه...!!!؟
صباحك حليب يا ساره

Sara Swidan said...

Bahz Baih...

إيه كمية الإعلانات الرهيبة إللي طلعت عليَّ من الكومنت بتاعك دي؟؟
إنت و إنت صغير كنت بتتنَّح للإعلانات قدام التليفزيون؟؟؟
أنا والدتي كانت بتسجِّل لنا الإعلانات على شرايط فيديو عشان نتفرّ!َج عليها...

مش غريبة إني طلعت متخلِّفة !!!


مـــســـخـــرة يا بهظ..

شكراً على التعليقات الكتيرة ، مبسوطة جداً

e7na said...

علاقتى كريفى بالنسكافيه بدأت مع سنة الجامعه الاولى
وكل مره كنت احاول فيها انى اعمل وش كان بيروح ضحيه التى شيرت او القميص

لكن مع الثوره الجامده فى قريتنا تغيرت الصوره وعرفوا انه مشروب مش اكله وبدأ يغزو محلات البقاله هنا

والحمد لله على هذا الفتح العظيم

الكابتن يحييك

حووووول

Bahz Baih said...

و انت فاكره انك لوحدك يعنى اللى مامتك كانت بتسجلك الاعلانات.... لا يا ماما .. دى ثقافه جيل بحاله أتربى على أعلان خدلك بانش و كحك بسكومصر و أغراء البنت اللى فى إعلان رابسو
و الله الواحد المفروض يكتب عن الموضوع ده

Foxology said...

موضوع حلو والله يا سارة :)

لو كان الحال انك تنامى بليل وتصحى الصبح مكنتيش هتهتمى بموضوع النسكافيه والوش بتاعه ولا كنتى كتبتى البلوج ده !!!

تخيلى انا برضه بقالى سنين بشرب النسكافيه من 2 ثانوى تقريبا بس عمرى لا اهتميت بوشه ولا بضهره حتى كدة كدة بيتشرب المهم انه يكون طعمه مظبوط ويجيب الحالة النفسية المطلوبة:)

سلامز

على باب الله said...

الف مبروك

أنتي أول مصرية أشوفها في طريقها لأنها minimalist تكون

و بمزاجها , مش لقلة الفلوس

Anonymous said...

سكافيه من غير سكر
يساوى
حياه من غير حahmed esmat

مصطفى السيد سمير said...

������ �� ������� ���� ������ ��� ������� � �� ����
����� ����
����� ���� ����
��� ��� � �����
���� ���� ���
���� ������

Islam said...

howa fe3lan el 7agat el so3'ayara dy heya ely bet2asar w tewagih 7ayatna w ana fe3lan 3ala fekrabastamti3 bel niscaffe akter w howa men 3'ir 2ish law b wish ba7is eny bawazat to7fa fih 7ad ta3ab eno ye3melha (w 3'aliban betkon waldity msh ana :D) dah 3'ir the perfect innovation 3 IN 1 w ana 3emoman ba7ib low suger nescaffe bs 7ata law konty zay el nas el 3adyeen kan 7aygilek fatra f 7ayatik w tet7awily lema anty 3alaih men ka2en 3'arib zay el nas beyeshrab el nescaffe b wish l ka2n samawy 3aly zay el high creature ely beyshrabouh men 3'ir wish :D zayeeeeeeeeeeeeeee
w bel nizba l bahz bih meskin u as been said in Fight CLub the movie we are genration brought up by women and TVs w dih truth in ur case the TV 2asar 3alik shaklo lol :D

Sara Swidan said...

e7na ...
شفت إزاي الحرب الميتة بتاخد مجراها ... عقبال هجوم و افتراس ماكدونالدزانشاء الله...


حمدلله على السلامة يا كابتن (علامة تعجب ، علامة تعجب ، علامة تعجب )

:)

Sara Swidan said...

Bahz Baih...

الله ينوَّر !!

بصرة يا معلم ، خلاص كدة أخدنا الكارنيه ... فريق الاعلانات اعلانات

ياختي هاتي كحك و غريبة بسكو مصر

مش بس كدة ، أنا كمان كنت بغنيها لنفسي قبل ما أنام ... عشان أنام

شفت زاي ألهمتك لموضوع جديد؟؟

أي خدعة ، لينا نسبة ربح بقى و صنية بيتي فور ...

Sara Swidan said...

Foxology ...
فينك ؟؟؟


فعلاً ...كان ممكن معملش البلوج دة أساساً !

هو دة إللي أنا عايزة أوصلُّه ..
الـ
Butterfly Effect

أهه كدة الكلام !

Sara Swidan said...

على باب الله...

يعني كسبت جنيه دهب يا أستاذ طارق علام؟؟

ألف حمد و ألف شكر ليك يا رب ...



إنما قللي ... هي الكلمة دي شتيمة ؟؟

:)

نوَّرت يا باشا

Sara Swidan said...

ahmed esmat...

جربه بس يا أحم ، و
use ur imagenation

أنا كمان ف الأول أكيد كان طعنه مش بيعجبني يعني ، أنا كنت باخد معلقتين سكر يا خواننا!!!!!!!!!!!

(دة كتير يعني المفروض )


قللى : إنت أمد عصمت بتاع
Alex Agenda ??

نوَّرت و آنست ..

قهوتك إيه؟ زيادة؟

Sara Swidan said...

مصطفى السيد سمير ...

صح مظبوط تمام ...

يااااه .. كلامك مقنع بشكل !!


(كل التعليق وصل علامات استفهام )

مش عارفة من عندي ولا ايه .. يا ريتك تبعته تاني يا مصطفى

شرَّفت الفنجان كله !

Sara Swidan said...

Islam ...

أيــن أنـــت يـا صــديـــقــي؟؟

طلعت من السجن فعلاً ..
و لا دي زيارة عابرة كدة و داخل الزنزانة تاني ؟؟



إسكت ... إسكت خالص ، مش بهظ و أنا لوحدنا . لأ المشكلة وصلت للعضم خلاص !!

الجيل كله ، أو المجانين منه ..
إللي هم العاقلين جداً و دماغ جداً طبعاً ...

:)

فينك يابني ماتغيبش عليا!!

نوَّرت القهوة !

Islam said...

ma enty 3arfa el 7ayah 3amla ezay i won't be along isa :) rabena youstor bs

Foxology said...

انا هو موجود بس انتى اللى مش بتكتبى :)

كل سنة وانتى طيبة بمناسبة السحابة السودة :)

هاتسسسسسسسسىىىى

مـخـطـوبـه said...

ممكن تشربى قهوتك و تسمحيلى اقرالك الفنجان ؟

أحمد سلامــه said...

طيب ايه احساسك لما يجي في مرة يتصادف مثلا انو بوش وبشوية سكر بردو
عند صديقة او كافيه رخم مثلا
مش بيوحشك النسكافيه العادي بتاعنا يعني ؟
كانت عندي نفس المشكلة مع القهوة في فترة وكنت بشربها مغليه بس لقيت اني ممكن اشربها بوش او مغليه كلو شغال
أو كما يقولون
توقع الاسوأ تجد الاحسن دائما

black & Ankh said...

بس كويس انها جت على اد الرغوه و السكر....بس مش الحياه هي اللي جردت منك ده, كل ده اختيارك او اختياراتنا عموما, و الحاجات اللي بتقع منا في الحياه بتشكلنا كبشر زي الحاجات اللي بنكتسبها....لذلك متهيألي انه احسن من غير رغوه و من غير سكر

Sara Swidan said...

Islam ...

إجمد يا بطل !

نوَّرت و تعبت نفسك

:)

Sara Swidan said...

Foxology ...

يرحمكم الله ، بس ابقى حط بؤك على إيدك ..

إنت قاهري يابني ولا إيه ؟

أنا هنا ف اسكندرية ، مش حسة بالسحابة دي خالص ... حسة بس بالضباب الخفيف الصبح بدري ، و حرررررررررررررررررررر الضهر ، و رطوبة بالليل .

يعني صيف على شتا على خريف ..

مزاولات!!

:)

Sara Swidan said...

مـخـطـوبـه...

أنا ليا الشرف يا مخطوبة هانم . اتفضلي عندك الفناجين ف كل حتة ...

نقي اللي يعجبك و اقريه و ذاكريه كويس!!:)

تعليقك جذاب و لفت نظري على فكرة جداً ..

Sara Swidan said...

أحمد سلامــه...

بتحصل طبعاً كتير جداً ...
و بشربه ..
لكن من غير مزاج يعني!

و حاجة عايزة اقولهالك : أنا بعشق حاجة اسمها تفاؤل ...


إنت غطست فين و طلعت تاني بالمناسبة؟؟

شرَّفتني

Sara Swidan said...

black & Ankh...

عايزة أقول ، أن كل اجة ف حياتي حصلتلي ف غفلة مني . تمام زي حكاية الرغوة و السكر ...

اللي هو نمت .. و صحيت ... لقيت حد بيسألني ، إنتي مابتاخديش سكر ليه ؟

فانتبه بقى ..

ف ياريت يصبح الموضوع اختيارات فعلاً ، مبقاش غايبة عن الوعي كدة ، و الدنيا تاخدني على سهوة تلفني و تشكلني زي ماهي عايزة ...

فرصة سعيدة يا
black & Ankh
!

مش بحب حاجة ف حياتي أد مفتاح عنخ..

اتفضلي كملي قهوتك

Foxology said...

اه للأسف قاهرى يا سارة بعانى الصبح من المواصلات وبليل من السحابة السودة والنت اللى بيقطع كل خمس دقايق

لو عملتى نسكافيه اعملى حسابى :)

Psycho said...

nescaffe men 3'er wesh w suger yeb2a mish nescaffe..
fakrteny beky lama a3od at7yal 3aleky 3ashan ta3melholy bi wesh:D
ana et3l2t bel nescaffe awel mad7'lt el ma7'roba..
ezay kont 3esha kol da men 3'ero !!