Tuesday, October 9, 2007

أفـران الزجـاج


المدينة ليست عامرة . رغم الزحام ، رغم العيون الزجاج .. أنا أعلم أنها خالية .

ينحدر الطريق تحت قدمي فتدفعني الجاذبية للأمام . ويسير بيتي على عجل . يقسو الانحدار حيث أكون . يستوي من حيث أغادر . أقترب خطوة ، يتحرك بيتي مبتعداً . فأقرر الدوران و السير من طريق آخر ...

هناك في أسواق المدينة ، مشى الجميع على قدمي ، اصتدموا بكتفي ، تتقاسم النظرات اللوم و التجاهل معي . المدينة ليست معدة تماماً لما في ذهني .
السكان هناك لا تزعجهم دقات الساعة ، قراءة الصحف ، الضجيج ، و البدانة . يشربون الخمر سراً . يسمعون موسيقى رديئة . و يمارسون الحب دون شموع . ثم يدخنوا التبغ الرديء . يجلسوا القرفصاء أمام مسلسلاتهم يتحرشوا بما يحدث لي .. برعوا في التحدث عنه ، في تجاهل قوانيني ، في تذكيري ... في توصيل كلماتهم اللاذعة مباشرة إلى لساني .

رغم العيون الزجاج .. أنا أعلم أن أحداً لا يخاف الحجارة.

تخاف السيدات فضة تشق كحل الليل على الرؤوس . لا يـقـبـِّـل أحد أصابعهن ، يقضمن أظافرهن ، يأكلن اللحم حولها . لا ينتفن حواجبهن . لا يحترفن الرقص . غير بارعات في اختيار مساحيق سوى تلك التي تحول في الماء ُزبـَد أبيض . زالت منهن المرأة و انمحت . يصرخن في أوجه الباعة الجائلين في المدينة ..
... نعناع يضفي علي حياتك طعم النقاء ، أزهار تفاح خطيئتك الكبري .. أزهار تفاحك أنتِ . حبات فلفل ، لعلكِ تبكين مرة في الوقت المناسب .

تلك مدينتي هناك . بيوتها مخفضة ، تعج بالبشر ، تتآمر وسائل الضجيج ضدها بتفان ، و تعلوها غيمة .

بها الأفران كثيرة... لكن لا أحد يزرع القمح . في مدينتي هناك يطبقون من قوانينِ ما يريحهم ، و يتعبني .
لصالحهم رأيت أن دفس الأشياء في الوجه ، يقتل . يقتل الزهد في النفس . يـقـتـلـهـا .
و لا توجد قوانين ضد أفران الزجاج .

المدينة غير معدَّة لاستقبال ... تحتاج غلق السفارات ...

مدينتي تحتاج لنزع العجلات من تحت بيوتها ، ليكف سكانها عن الجري في كل الاتجاهات .

شعبي يحتاج معبد تأمل ، يحتاج مصنع أكسجين ، يحتاج تشريع النبيذ الأحمر و طرحه مباحاً في الأسواق ، ... يحتاج زيت الصبر لطلاء الأظافر .

لم أكن أعلم أن سكان المدينة هؤلاء يجيدون وضع اللانسيز


4 comments:

داليا عز said...


أولا : السلام عليكم

ثانيا : جميلة جدا الكلمات دى .. البوست هايل

أعتقد إنك بتقرأى كتير لأمل دنقل وأحمد مطر , أو على الأقل لأحدهما

وكانت تبقى أجمل لو كانت فى سياق شعرى .. ربنا يوفقك

بنت النيل

Sara Swidan said...

داليا عز ...

لأ ف الحقيقة مش بقرا لأي منهم ... بس حيث اني أسلوبي كلع زي أسلوبهم ، يبقى لازم أبتدي أقرالهم ... انا قريت حاجات بسيطة لأمل دنقل ... و عجبتني جداً .


شكراً على كلامك الجميل ، و لاهتمامك انك تبعتي تعليق و كدة ..

بس أنا مش بعرف أكتب شعر خالص ...

نوَّرت يا داليا

Prozaaak said...

مش عارف اعلق اقول ايه ... انا اصلى مابعرفش احلل اوى الحاجات .. عارفه اللى هو الجمله دى لو كانت كذا .. او فيه هنا اخلال بالجو العام للموضوع
انا اكتر حاجه بعرف اعملها اقرا البوست مرتين تلاته اربعه واقولك انا حسيت منه بايه ..

طبعا انتى عارفه ان الكلام بيتحول فى دماغك لصور واشكال معنيه فمن ده
جالى احساس عام بالخواء .. وحسيت كده زى ماكون مشى بقوى الدفع فى منطقه زحمه جدا ومش عارف ليه حسيت انى ماشى بمزاجى ومش معترض ومستسلم للتيار !!
كمان افتكرت قد ايه ان حاجات كتير اوى مبقاش ليها طعم ... حاجات كتير اوى فقدت الاحساس بيها وبجمالها رغم ان بعض الاشياء دى كانت بتدينى استمتاع حلو ومستمر فى فترة من الفترات
بيتهيألى ممكن انا اكون كمان مركب عدسات وانا مش حاسس

كده انا ابقى وصلنى حاجه صح .. ولا نا بخرف ؟؟ :))

فى حاجه فى الكلام يا ساره مش وصلانى ... مش عارف ايه هى .. بس فى بعض الحاجات بحس انى بتوه من الكلام .. احتمال يكون العيب فيا انا ... مش عارف بس قولت اقولك كل حاجه بصراحه :)

وبمناسبة امل دنقل .. بحب اوى اول كلامه فى كلمات سبارتكوس الاخيره ... فاكر اول مره اسمعها واحد صاحبى فنان اوى بس مجتلوش الفرصه .. قلهالى واحنا على القهوه ... وكانت طالعه منه حلو اوى لدرجة انى بقى اتفتح اسبهلالا من كتر ماهى عجبتنى

المجد للشيطان .. معبود الرياح

من قال " لا " في وجه من قالوا " نعم "

من علّم الإنسان تمزيق العدم

من قال " لا " .. فلم يمت ،

وظلّ روحا أبديّة الألم !


بوستك حلو وعجبنى ... وفكرنى بحاجات فيه مش عايز افتكرها :)
good ya sara
واسف على الإطالة
:)

Sara Swidan said...

Prozaaak ...

اتهد حيلك أكيد ف التعليق دة يابني ...


أحاسيسك إلى حد ما سليمة ، و هي المقصودة برده...

بس في حاجة فايتاك و انا مش حقولها عشان انت مش أول واحد يفوتها ... مما يدل على إنه العيب من عندي هنا .

إلى حين تظبيطه ، إنت مش بتخرف !

(عايزاك تفكر إنك ليك بوابة ، و البوابة حواليها سور ، و السور جواه بيوت ، و البيوت جواها ناش .. عايزاك تفكر إنك انت "المدينة" )



اللي كتبه أمل دنقل دة كنت قريته ف بلوج صديقتي الجميلة آيه
http://scar-girl.blogspot.com/

و عجبتني جداً كمان ...

ميرسي على اهتمامك يا هندي ، بحب بوستاتك جداً انا كمان وحياة ربنا