Monday, July 21, 2008

إمبارح .. كان عمري العشرين .. العشرين



أنا قادرة تماماً إني أقنع نفسي إن يوم الأربعاء 23 يوليو 2008 هوة يوم تكريمي على بطولاتي الخيالية اللي أنا قمت بيها الحقيقة . تحت راية "قــــــــهـــــوة زيــــادة" ..

و كمان أقدر أقنع نفسي إن كل الناس اللي حييجوا .. جايين فعلاً عشان البلوج . مش جبران خاطر ليا ..

و كمان أقدر أقنع نفسي إن البلوج يستحق التكريم الشرفي دة .. و إني مش باخده لمجرد إني أعرف الشباب اللي زي الفل اللي بينظموه ..

لكن اللي أنا مش هقدر أقنع نفسي بيه بقى ..

هوة إني حقعد أقرا قدام الناس بصوت عالي تـــــــانــــــــي ..

دة أنا المرة اللي فاتت عدت بزفلطة الصابون ..

ربنا يستر المرة دي و تكون أحسن من اللي فاتت ..



كلام بجد بقى .. أنا نفسي فعلاً أقول إني بالظبط حاسة إن اليوم دة هوة فعلاً عيد ميلادي .. و توقيع المدونة دة .. هوة أحلى هدية ليا و أنا على أعتاب النضوج الـ21 .
حغني بعلو صوتي و أقول .. " إمبارح .. كان عمري العشرين"

كل حد نفسه ييجي يتعرف ع المكان .. أو يسجل المدونة بتاعته عشان يبقى ضيفنا .. كل يوم أربعاء في بلوج و بلوجر مستضافين ..

و معانا 10 بوستس ليهم مطبوعين للناس يقروهم ..

كفاية كدة بقى .. اللي يحب يشاركني أحد نجاحاتي اللي بمر بيها دلوقتي .. ييجي ..
حشوفكوا أخيراً واحد واحد .. و واحدة واحدة ..

الموعد :
الأربعاء الموافق 23 يوليو 2008 . الساعة 7:30 مساءً

المكان :
Clay Cafe'

العنوان :
156 شارع عمر لطفي - أمام محطة ترام سبورتنج الصغيرة
الاسكندرية - مصر

التليفون :
(03) 5901810


11 comments:

MeMo said...

:)i used to hang out in clay a while ago until they decided to put a minimum charge which i hate ,so i didn't try to there again .
are they still doin that ?

Sara Swidan said...

Memo...

لأ خالص ..

تعالى بقى

Prozaaak said...

congratulates ya sara ...
wallahy bgd kan nefsy 2agy .. mesh kalam fad magales ya3ny ... bas nezoly alex el youmeen sa3b gedan bel nesbaly lel 2asf

bas el mohem mabrook kteeeer 3eed miladek el gameel dh ...
we 3agbny 2wy fekret en el blog hatetla3 bra 7ayzha el digitaly we hatetgased fe shakel "wara2 matbo3" we " kora2 mogodeen" in flesh and blood ... we tab3an el creator beta3ha :)
rabena ma3aky fe el 2raya besout 3aly :) mat2la2esh kolo hayb2a tmam :)

yareet b2a soor kteer lel lelah dy we yasalam lo 7ad yesorha video :)

Sara Swidan said...

Prozaaak...

كله من فضلك يا شريف ...
كله من التصمصم اللي إنت عامله والله ...

إنت عارف إن في ناس قالولي إنهم حسوا إني لما أفرش بيتي حيبقى شبه كدة ..

يا سلام لو كنت حتيجي يا شريييييييف!!

كنت أخيراً حقابلك و أشكرك بجد ..

إنت عارف إن الزيكا اللي حتتلعب ف الكافيه يوميها حتبقى اللي ف الجرامافون ؟؟

راجى said...

لو كان فى لقاء فى الفترة من 22 اغسطس الى 28 منه ياريت تققولى لى وانا احاول اجى لانى فى الفترة دى حاكون فى مارينا انشاء الله

محمد صبحى said...

ياريتنى كنت أقدر أجى ياسارة

لكن هتلاقى روحى بتلف المكان
وتهفهف حواليكوا

:))))))))))))))

الف مبروك ياجميل وعقبال مش عارف كام سنة
:))))

Sara Swidan said...

راجى ...

في يا راجي ...

كل يوم اثنين و أربعاء حتلاقي نفسك ف الكافيه ..

تعالى بس و إنت حتلاقي نفسك ..

Sara Swidan said...

محمد صبحى ...

تسلم يا صبحي ..

إنتوا الناس اللي كان نفسي أشوفكوا و أتعرَّف عليكوا فعلاً ..

أنـــا حـــــــــرة said...

و المصراوية يعملوا ايه سيادتك

سارة .. اسكندرية وحشتنى اوى
وحشنى حضنها جدا
و حشنى انى اضحك هناك
و حشنى اكتر انى ابكى فيها

السلام امانه

Sara Swidan said...

أنـــا حـــــــــرة...

إنتِ متشبعة بروح الاسكندرانية أكتر من أي قاهرية عرفتها على فكرة ..

كان باين من كلامك في التليفون ..

ألا صحيح هوة إحنا ما بنتكلمش ليه؟؟

MeMo said...

grrr, tried to attend it about 5 times and each time something just jumps in the way, although i'm there almost every day .

now a side note : are you Sara swidan from clay , they one being seeing there on daily bases :) ?