Wednesday, May 7, 2008

يـــُـــتــــم


نفس اللعبة القدرية الدنيئة !
ف كل محطة تخطفني إيد حد لطريق جديد .. أجمل و أوسع من اللي كنت متخيلاه ..

و لما خلاص .. يبقى مني و أبقى منه (الطريق) .. أبص ألاقي نفسي لوحدي ..


أحدث الطرق بقى اللي اتزقيت فيها .. بإيد حد تاني ، مش بإيدي أنا ..

كانت القهوة دي اللي حضراتكوا قاعدين عليها ..

فرحت جداً .. و ملت القهوة عليا حياتي ..
و استفتحت و كنت ببعت بال4 بوستات ف اليوم ..

و الايقاع هدي مني ع الآخر ..
و دلوقتي أنا بمر بانتعاشة تانية ..

و لما ببتدي أتجول و أتفرَّج على البلوجرز الجامدين .. (اللي عندي على البانر) ..
ألاقيها بلوجز خاوية على عروشها .. هجروها مدونيها و سابوها ..

حتي التعليقات على عددها لا تزيد ..

حاسة باليتم ..

مش بفكَّر أقفل القهوة ..
لأ !

القهوة عمرانة بناسها .. و بأشباحي ..

بس حزينة كدة ... و في حاجات وحشاني ..

حاجات كتير والله ..

هوة دة مفهوم اليتم ..

اللي كان في إيد ف إيده ..
و انحلِّت .. و راحت ..

مش اللي اتولد لوحده .. و مشي ف الطرق لوحده ..

15 comments:

Islam said...

3ala fekra kol el nas keda beymore b fatriet nefour waraha fatriet enti3asha :) enty gat fatriet enti3ashtik f fatriet noforhom isa they will be better in the summer :D just sandihom f fatret enti3ashithom :D

محمد صبحى said...

مش أنا قولتلك قبل كده مالك اليومين دول؟؟

مصطفى السيد سمير said...

مش حاقول لك اوعي تفكري كدة
كلنا بتعدي علينا لحظات زي دي
وانا قبل كدة كنت واخد قرار اقفل المدونة
مع انها ماكملتش سنة
بس انا مقدرتش ابطل كتابة في المكان الوحيد الل فيه قراء ليا
خفت
عايز اقول لك
اوعي تمتلكي شجاعة تحطيم نفسك
اجبني في الوقت المناسب

Sara Swidan said...

Islam ...

ابقى الحقني يا اسلام قبل ما أنطفي ..

...

Sara Swidan said...

محمد صبحى ...

تفتكر هو دة ؟؟

أنا معرفش !!

:)

alzaher said...

ربنا ما يرحمك من الدلع
ولا يحرم أي حد من دلع الأم
فما أجمله
:)

Foxology said...

مش عارف ياسارة الناس كلها حاسة بكدة اليومين دول زى ما يكون حاجة فى الهوا كلنا بنشمها ونحسها !!!

ناس كتير اعرفهم بيحسو نفس الأحساس اليتم والوحدة والملل

فترة وهتعدى ان شاء الله :)

Sara Swidan said...

مصطفى السيد سمير...

دة قرار صعب جداً بجد ..

دة أنا بقطع من عقلي و أحط ف القهوة دي ..

لأ بجد اللي بيتخلوا عن بلوجاتهم بجد .. مش عارفة جايبين القسوة دي منين؟

Sara Swidan said...

alzaher...

أنا كمان بقول كدة !!

:)

إزيك يا عمرو؟؟

Sara Swidan said...

Foxology ...

مش لوحدي يعني؟؟

الله يطمنك يا دكتور !!

e7na said...

الناس هجرت مدوناتها
لانهم تعبانين
اللحظات اللى احنا عايشينها دى صعبه قوى ياساره
بس مش هتطول
روق كده يا جميل

Sara Swidan said...

e7na ...

ماشي يا حلاوة ..

:)

2ragooZ said...

السلام عليكم
انا جديد هنا على فكره .. واحد صاحبى قالى اجى .. هم اللى قالولى .. على العموم انا شربت الشاى ..بس انا ما بادفعش .. يعنى زبون نوته .. ودى النوته بتاعتى .. ميه وخمسين صفحه .. يعنى كل سنه بادفع مره ..وغالبا ما بادفعش ..باضرب وخلاص ..
على كل .. فكرة اليتم دى ..انا شايف انها لازم تتشال من عقولنا ..
انا شايف ان الاحساس اللى ما يطلعنيش لقدام .. لازم انهيه من حياتى ..وما احسوش تانى .. معادله صعبة التحقيق ..لكن كتير حقوقها .. وانا مش باقول انى حققتها ..بالعكس انا يمكن انا اكتر واحد متضرر من هذا الاحساس هو واخواته ..لكن يعنى ..يا ريت ننتقل من مرحلة الاحساس والكلام ..والمدونات .. لمرحلة الفعل .. ايه اللى ممكن اعمله وافكر فيه .. مش ايه اللى انا حاسه .. وافكر فيه .. طبعا ده على الاحاسيس السلبيه .. وبرضو لو عدينا المرحلة دى هاندخل على مراحل اصعب .. بس هايبقى تقدم .. وهى دى الفكره .. هل في تقدم ولا لا .. انا على مستوايا الشخصى .. كل فين وفين على ما باعرف اتخلص من الاحاسيس دى واقدر اعمل تقدم ..

وبعدين تعالى هنا .. يتم ايه .. كل دى ردود .. وتقولى يتم .. اومال لو دخلتى مدونتى .. هم اتنين اللى عبرونى .. وشكرا للسيد المواطن .. انا ما باحسدش ربنا يزيدك .. بس يعنى ساعات الانسان ما بيبقاش شايف ان حواليه كتير .. وانتى حواليكى كتير .. على رأى سميره محسن ..

يا رب ما اكونش ضيف ثقيل .. ومدونه سعيده ..

Sara Swidan said...

2ragooZ...

أولاً اسمك حلو جداً ..

لكن دو مايمنعش إنك أكلت وداني ..


الله أكبر ف وش الحسود .. حتطفشلي الزباين .. ربنا يستر ع الولايا ..

t3ban said...

القهوة عمرانة بناسها .. و بأشباحي ..

بس حزينة كدة ... و في حاجات وحشاني ..
ايه في الدنيا مبقاش حزين!مممممم