Sunday, May 4, 2008

... حــــتــــى أنــــــا



مهما كبرنا ، مش بنكبر ع الدلع !

عندي برد ، ف معاد غريب شوية ، و رغم انشغال مامي ف الفترة الأخيرة ، إلا إني حسة بقلقها عليا طول اليوم .
يا سلام!
بقالي أد إيه محدِّش عملي الأشياء اللي بعملها أول ما أصحى م النوم ..

أقوم أعمل المشروب القومي النسكافيه .. و أجرجر نفسي لحد التليفون عشان أكلم أي حد يعني ، عشان أعرف هعمل إيه ف اليوم ؟ و أصبح على اسلام .. و الذي منه ..

و بعدين بقى أبتدي ألملم أغراضي و أقعد أذاكر أو أقعد ع النت ..

أما انهاردة ..

أنا معايا وسام شرفي .. برد و حرارة و زور مسدود ..

لما أصحى ع الدلع و مامي بتشوفني سخنة أد إيه ..
و تعملي فطار و أنا مش بفطر .. آخر دلع و خيار و طماطم متقطعين و الذي منه ..

و شاي بلبن بدل النسكافيه .. و مامي نسيت و حطت معلقة سكر ..
و جابتلي التليفون .. و سبحان الله .. لاميس صحبتي .. اللي دايماً نايمة ف غيبوبة ، ردِّت من أول رنة ..

احلوت الدنيا ف عيني و جابت ألوان .. أكتر ما هي جايبة لوحدها ..


و الدرس المستفاد :
محدش بيكبر على الدلع ..

حتي أنا
.
.

16 comments:

أسير الجراح said...

طيب ممكن تعمليلى معاكى كوبايا نسكفية هههههههههه



مدونتك جميلة


تقبلى خالص تحياتى

اسير الجراح

بنت الحياه said...

Gamelaa ya Sarah!!

Simple and flowing language..

Mafeesh a7la men edala3 sebek enty :)

Big smile!

P=S=Y=C=H=O said...

astmwaty ya sara estmwaty:D
7ad yel2 dal3 w madl3sh:P

Islam said...

ma 2olna keda 2olto etla3o men el balad :P 2olna 7'aliky medala3a keda 2olty mafish a7la men el bent el ragel hehe :P w ba3din akeed lazem kolo ye2la2 :D howa fih kam sara ;)

Sara Swidan said...

أسير الجراح...

يعني أنا عمالة أقول دلع و بتاع ..

و يجو الزباين بتوع البلوج عايزين مشاريب كمان ؟؟

:)

ابقو هاتو أكلكوا معاكوا ..

أول تعليق ليك !!

نوَّرتني ..

:)

Sara Swidan said...

بنت الحياه ...

صحيح؟؟

اللغة عجباكي كدة؟؟

شكراً ربنا يخليكي وحياة ربنا ...

دة تاني أو تالت تعليق ليكي هنا ..

لكن أنا بشقر على بلوجك من حين لآخر ..

و بقولك ..إنتِ أجمل وحياة ربنا ..

شكراً ع التعليق...

Sara Swidan said...

P=S=Y=C=H=O ...

بس يا سينيوريتا ... ربنا يهديكي ..

اركني على جنب خليني أحيي الجماهير...

Sara Swidan said...

Islam...

يعني شوية من دة ... شوية من دة ..

خير الأمور الوسط ..

مافيش أسوأ من حد واخد ع الدلع و كأنه حق مكتسب ..

:)

مُزمُز said...

جميييييييييل
ادلعي فعلا، شوية دلع مش هيخسروا يعني

ربنا يخلليلك مامتك
:))

Sara Swidan said...

مُزمُز ...

ربنا يكرمك .

اللي يجيله جرعة حنان و دلع .. مايضيعهاش ..

دي فرص ماتتعوَّضش ...

:)

مصطفى السيد سمير said...

محدش كبير على الدلع
ولا البرد
ولا النسكافيه

تحياتي

Sara Swidan said...

مصطفى السيد سمير ...

بالظبط ..

شكراً ع التعليقات الكتير ..

مبسوطة جداً وحياة ربنا ..

:)

أنـــا حـــــــــرة said...

sara

اللى يلاقى دلع و مايدلعش يبقى حرام عليه يا هانم

ربنا يخليلك مامى

Sara Swidan said...

أنـــا حـــــــــرة ...

حسستيني إنك متعطشة للدلع ..

خفي على نفسك شوية .. محدش حينفعك !!

:)

فرحانة جداً ..

Anonymous said...

ياه فكرتينى من زمان محدش دلعنى اساسا
فاكر زمان كان فيه ناس بتدلعنى بس دلوقتى مفيش
ادلعى يا حلوة
الاجندة

Sara Swidan said...

Anonymous...

دلع نفسك يا أحمد ..
ماتبقاش كدة .