Wednesday, August 13, 2008

حين أشردُ طويلاً


و يحدث أن أنظر أمامي في أحد الأيام ، و أرى بقايا كحل عيني ذائباً ، و بذور ثمرات البرقوق معاً على قطعة منديل واحدة . لا حيثية لأى منهما . ولا أهمية لإحداهما فوق الأخرى .

وحدك الآن ، بعد أمي ، تعرف ماهية البرقوق في قاموسي ... و لعـلـني لم تواتيني الفرصة ، و لم يأتِ الوقت كي أعلِّمك أيضاً ماهية الكحل الذائب في الدموع بالنسبة لي .

متى يقرر الانسان فجأة أن ينسى كل الثمرات ؟ و يتذكر كل البذور؟

لحظات الغضب ربما .. لحظات الرجولة ..
ربما كان علي دخول أفلام أكثر في إبريل 2008 لأتمكن من رتـق ما انحل بيني و بين أنوثتي .

***

13 comments:

Waan said...

في ناس بتفرح لما بتكتب أول تعليق
بس مش عارف لييه مش حاسس بكده

متهيألي مفيش أصلا الرتق اللي أنت بتكلمي عليه ده

دي حاجة بيشوفها اللي حواليكي

ساجي said...

ويحدث أيضا ان أضل أقرأ ف سطورك القليله كي أصنع بوستا طويلا من تكرارات الكوبليه
---
مش عارف ليه بحس بطعم زي ام كلثوم ف أغانيها لما أسمع نفس الكوبليه كذا مره بس ف كل مره بيبقي بلحن صوتي مختلف
---
معاكي بشوف زوايا مختلفه مع كل إعاده لنفس الكوبليه المغزول ف ضفاير الذاكره
---
كحل ذائب ف العيون . بذور برقوق
هو ليه انا شايف ف الصوره - التوحفه - ثمرات مش بذور
----
طب اشمعنا ابريل هو مش بوست الوجع كان ف يونيو
رتق الخيوط المهترئه من نسيج انوثتك
بأفلام غضب ربما .. رومانسيه النزعه
----
أظنها فترات الأمتحانات والضغط
أو ماذا يكمن بين طيات أبريل ؟؟
بستمتع وأنا بقرالك جدا
سلام ودمتي في كل ود
----
ع الهامش
ف يوم كلاي كافيه
كنت ف ستانلي ف نفس الوقت وترددت أن اتي وتغلب سحر الغروب على الشاطئ على رغبتي الممتزجه بخوف اللقاء
ربنا يوفقك لكل خير

Sara Swidan said...

Waan ...

أنا ساعات لما بلاقي إني حبقى أول تعليق بتكسف أبعته و بستنى لحد ما حد يبعت قبلي ..

و ساعات تانية ببقى ف منتهى السعادة لما ببقى أول تعليق .. لو البلوج يعني يهمني :)


و شكراً ع الكلمة الجميلة .. لكن عايزاك تعتبرني بتكلم عن فيلم "لحظات أنوثة" اللي نزل ف إبريل 2008 .. و اللي أنا ما دخلتهوش ..

و بالتالي اللي حصل بعد "لحظات الرجولة" اللي ف النص .. ماكنش مبرر بالنسبالي ..

و كان المفروض أدخل الفيلم عشان أعبر كأنثى بقى و أشوف أي أنثى مكاني كانت حتعمل إيه ..

أي هبل يعني !

أي كلام !

Sara Swidan said...

ساجي ...
دة إسمك الحقيقي؟؟

جميل ..

شكراً ع التعليق المتقن .. و اللي فعلاً حاسة إنه مكتوب باهتمام ..

و دي أجمل حاجة ..

تشبيه احساسك و إنت بتسمع أم كلثوم باحساسك و إنت بتقرا بعض نصوصي ، لو كان صادق زي ما أنا شايفة ..

بجد حعتزل الكتابة و الفن ... و الحب كله خلاص .. كدة كفاية عليا نجاحات ..

شكراً ..

ياريتك تقرا تعليقي اللي رديت بيه على
Waan
ممكن تفهم بعض الأشياء .. عشان البعض التاني فعلاً أنا بش اللي فاهماه ..

البرقوق و الكحل .. حاجات كدة تشبه للأبجدية .. دي معنعاها كذا و دة معناه كذا ..

شرحها يطول و كدة ..

شكراً و الله على إنك أصلاً افتكرت إنه يوم توقيعي للمدونة ..
و بعدين أنا لو منك ماكنتش حاجي ..

ماكنتش حعرف أفلفص من نداءات الشمس ..
و إن كانت بتغرب .
(مش بحب الغروب)

شكراً على زياراتك وحياة ربنا ..

بحس بالسعادة لما أشوف تعليقات الناس ف نفس اليوم اللي بعت فيه البوست ..

شكراً مرة تانية

كررها

bastokka طهقانة said...

ازيك يا سورة اخبارك اية؟
هو لسة في برقوق في السوق ؟!0 ههههههههههههه


اوروفوار

Sara Swidan said...

bastokka طهقانة ...

حبيبة قلبي و الله يا بيبة !!

ترجعيلنا بألف سلامة ..

t3ban said...

متى يقرر الانسان فجأة أن ينسى كل الثمرات ؟ و يتذكر كل البذور؟
لما يكون بيشحت
:D:D:D:D:D
دوعابة
جد بقي
مفيش فرق بين ثمرة و بذرة
الأثنين ترجمة لنفس الشيء
بس البذرة اهم
علشان كويس اننا نفكر طول عمرنا في البذور
ما لو اهتمينا بيها الثمرات حتيجي لوحدها

Sara Swidan said...

t3ban...

إلا إذا كنت ، و إنت بتكتب ، بتنظر للنصف الفارغ من الكوب ..

و عموماً أنا مش مختلفة معاك دلوقتي ..

شكراً وحياة ربنا ع الزيارات المتكررة .

Cognition Sense said...

سارة

أنا بيزيد إعجابي بيكي بوست بعد التاني

حلوة غرابتك

Sara Swidan said...

Cognition Sense...

إنتِ بتروحي فين بس ..

وجود الناس اللي زيك بيطمن ..

وحياة ربنا

t3ban said...

برده الجزء الفارغ ميقلش اهمية عن الملايان
ده برده لو كل الناس مركزة في المليان
لازم نشوف الدنيا3 د ثلاثية الأبعاد
اما عن الزيرات المتكررة
دا واجب عليا الشكر مش عليكي
ان مكنتيش بتقدمي فكر كويس مكنتش ترددت كتير و استنيت جديدك

Sara Swidan said...

t3ban ...

شكراً والله .. ربنا يخليك . مش عارفة أقوللك إيه ؟

Foxology said...

مفيش فرق بين الكحل الدايب والبرقوق على نفس المنديل طالما مش فاكرين غير شكلهم بس قبل الدوبان ولا ايه ؟؟؟

تحياتى :)