Thursday, June 19, 2008

حـــقــــيــــقـــة الإرث


يسكنني بطرقه العديدة في مفاجأة هؤلاء الذين يحب .

دائم الغياب هو . و هو ما يؤكد لي أن أفعالي و شطحاتي و نطحاتي ، على اختلاف طرق ظهورها و تذبذب قوة حضورها ، لا تصل بيني و بينه . و إنما دائماً هي مكتسبة من أشخاص آخرون ، و غالباً ما يكونوا غرباء عني .. و بالتالي غرباء عنه . و رغم ذلك ألفتي لها لم تكن عسيرة .

***

دائماً ما أُكـَلـَّفُ بمهام الأوقات الضيقة ، و يقال عني حسنة التصرُّف في الحالات الطارئة . لا أفسح للتأثر كثيراً من الوقت .ابتسم كأني أسعد بما يقال . لكني أفهمُ جيداً أن كل ذلك يتوقف على ما يشغلنِ هذه الأوقات . و ما إن كانت هذه المهام تفوق المـُتـَبـَقـي من طاقتي .. أو لا .


المهمة هي الخروج سريعاً و الحصول على عشرين متراً من الحبال لوضعه في شقة شقيقتي الكـُبرى التي أوشكت على الزواج . و محدودة هي الدقائق التي أمامي . و محدودة أيضاً هي الجنيهات التي بحوذتي .
و في الحي الذي لا أعلمه ، أمدُ الخطى في الطرقات أسألُ الحراس ، و يرسلنِ كل منهم لطريق مختلفة . أدور في دوائر ، لكن أصل في النهاية . أشترِ الحبال المطلوبة ، بل و أختار لونها أيضاً ليناسب دهان الحوائط . و أنا أحاسب البائع ، تراءت لي هيئة شقيقتي الأخرى و قد أنهكها العمل في البيت ، و احتقن وجهها إثر الصهد و الرطوبة . فأشتري زجاجتين مياة مثلجتين . و كان علي توَّخي الحذر قبل أن أشترِ لها شيئاً تأكله ؛ لسيرها على حِمية قاسية أخرى . فاشتريتُ عبوة حلوى واحدة لأتقاسمها معها ، و اخرى من النوع الذي لا نحبه ، لتكن من نصيب أمي .
و أسلك طريق العودة ..
و أتذكر ان هؤلاء العاملين بالبيت ، آجلاً أم عاجلاً ، سيصيبهم الجوع . فأذهب لمحل و الفلافل و أشتري ما يكفي لاثنين . و أسرع عائدة ..

داهمتنِ الدقائق .. و الجنيهات .

أعبر الطريق ، ينقطع كيس زجاجات المياه . و تتساقط على الأسفلت . أنحني لواحدة منهما ، لكن الأخرى تتدحرج بعيداً قليلاً ، و العربة تأتِ سريعاً من أول الطريق . فرَكـَلـتُ الزجاجة كي تعبر السيارة من فوقها دون خسائر .
و أجري ألتقطها ، و أصعد للشقة .أجمع الأكياس في يد واحدة ، و بالأخرى أُخرِج المفتاح ، و أدخل .

***

أمي واقفة في وسط البهو الخالي ، تسعد لأن توكيلي بالمهمة كان مـُجـدياً . و تنظر لباقي الأكياس و زجاجات المياه التي أحتضن ، و تقول : " زي أبوكي يا بت ! دايماً تدخلي عليا ب كياس !" .

يأكل و يرتوي العمال ، و تأكل أمي حلوى النعناع ذهاباً و إياباً . أجلس على الأرض و أسندُ ظهري على الحائط ، أستحلبُ حلوى الفراولة . و اهديتُ إليه ابتسامة طويلة .

صباح الخير يا بابي -


19 comments:

Foxology said...

اممممممم حالة فنية ده اللى ممكن يتقال على البوست دى

بوست جميلة يا سارة :)

تحياتى :)

وعقبالك :)

Sara Swidan said...

Foxology ...

شكراً يا فوكس ربنا يخليك ..
لكن إيه عقبالي دي ؟

samourai 4 ever said...

حلاله العقد و المشاكل
مشاء الله
جميل ان الواحد يقدر يتصرف فى مواقف زى دى بطريقه دقيقه

اول زياره ليا
و ان شاء الله مش حتكون الاخيره

و عقباليك

و دمتـــــــــــــــــــــم

Sara Swidan said...

samourai 4 ever ...

شكراً ع الزيارة و ع الروح الحلوة ..

لكن إيه حكاية عقبالك دي ؟؟
عقبالي أعمل إيه يعني؟؟

:)
نوّرِت قهوتك يا ساموراي ..

Camellia Hussein said...

فكرتيني باللي غايب من وانا عندي 3 سنين ورغم كدة تفاصيله وطباعه محفورة جوايا
مش عارفة جبتها منين حقيقي
بس بكتشف فجأة انه هو كمان ب(يسكنني بطرقه العديدة في مفاجأة هؤلاء الذين يحب .)رغم غيابه
تحياتي ليكي وللقهوة
وعقبالك برضه:)لما توشكي علي الزواج كدة ونبعت نجيبلك 20 مترا من الحبال
----------
بس سؤال بيلح عليا
انتو هتعملو ايه بالعشرين مترا من الحبال؟؟؟؟؟؟؟

Foxology said...

مش بتقولى بتجهزو شقة اختك للجواز ؟؟ فانا بقول عقبالك يعنى لما تجهزى شقتك :)

m.sobhy1990@gmail.com said...

عقبالك
:)

لا بصراحة القهوة اليومين دول شديدة وجامدة


حاجة جانبية: التاج ياسارة
وإلا..
:)

Sara Swidan said...

Camellia Hussein ...

منشرين يا حبيبة قلبي .. مش عارفة على إيه ..

:)

إسألي نفسك سؤال . لو كانوا الغايبين موجودين .. كنتي حتصبحي إنتِ ، زي مانتي دلوقتي ؟؟

بالتأكيد لأ ..
و لو بتحبي نفسك بجد ، كنـّي العرفان لرحيلهم ..

بدونهم نحن لسنا كما كنا نتمنى .. الغائبون هؤلاء

Sara Swidan said...

Foxology ..

آآآآآآآآآآآه .

بس خلاص فهمتك .
أنا طلعت غبية باين ..

Anonymous said...

:)
أعتقد ان الإبتسامة تكفى ..
جميل يا سارة ..جميل

Sara Swidan said...

مــهـــا ...

شكراً يا مها ..

ربنا يخليكي وحياة ربنا ..

زيارتك لوحدها كفاية ، حتى من غير تعليق ..

vetrinary said...

انا تقريبا جيت بس فاكر امتى
انه الزهايمر يا سيدتى
واضح انك بتمرى بتجربه ف حياتك
بس التجربه دى لسا مكملتش
فمش عارفه تعبرى عنها اوى
اللى جوا القطر صعب انهم يشوفوه

t3ban said...

انت وفية اوي

Sara Swidan said...

في أيام كدة ، التعليقات اللي بتيجي فيها بتبقى حلوة أوي.. أكن الناس دول بيبقوا متفقين على اسعادي من ورايا أو كدة ..


vetrinary ...
دة حقيقي فعلاً .

مش عارفة تجربة رايحة على فين .

Sara Swidan said...

t3ban...

شكراً ع المجاملة الرقيقة ..
ربنا يخليك ..

:)

إبـراهيم ... said...

سـرد يبعث على الدفء ...يا سـارة ...


جميلٌ جــدًا ... بجد :)
مممممممممممممممم

أذكر أني كنت شربت من هنا شـوية ،،، بس كانوا مضبوطين، المره دي زيـادة فعلاً

خالص تحياتي لمدونتك، ولكتابتك ....


وفي انتظـارك

Sara Swidan said...

إبـراهيم ... معـايــا ...

ربنا يخليك يا ابراهيم .. كلامك طل م القلب و وصل خلاص ..

آه طبعاً فاكرة الاسم المميز اللي بيحسسني إني بكلم حد ف التليفون ، و النمرة بتطلع غلط ..

:)

اشرب سعادتك هنا براحتك .. حتلاقي سادة كمان ف بعض الأحيان ..

نوِّرت القهوة ..

P=S=Y=C=H=O said...

matfkrnesh bi ayaaaam di
da kan 7atet yom:(
3azaaaab

nice post ya bet

Ahmed Fayez said...



مش عارف الكومنت ده مكانه هنا و لا لا
بس انا لاحظت ان فيه اخطاء لغوية بدأت تظهر في كتاباتك
ماكانتش موجودة الاول
او ماكنتش واخد بالي منها
مع اني في البداية حسيت ان العربي بتاعك كويس و تعبيراتك كويسة
بس دلوقتي ملاحظ ان النحو بعافية شوية
او يمكن مرحلة و هتعدي