Monday, April 7, 2008

الـــقـــعـــدة ف الـــبـــيـــت امـــبــــارح



يا سلام لو كل يوم اضراب ..
كل يوم قعاد ف البيت .. ف الهدوء .. ف الدفا ..
شوية قراية على شوية تلفزيون على شوية دعبسة ف المطبخ ..
من غير مايكون شاغل بالي .. هالبس إيه و أنا نازلة ؟
ألِف شعري على فوق ولا على تحت ؟
ححط ميك أب ، ولا أخليني ع الطبيعة؟
أتصل بفلانة و فلان أقابلهم بالمرة؟ ولا أنجز حالي عشان أروَّح تاني؟

القعدة ف البيت امبارح ، غير القعدة ف البيت انهاردة ...
عشان أنا كنت بستمتع بهدوء ، و لذة العتق ، و مزاج عالي ف القيام بالحاجات ،
و شايفة الدنيا نور . نــــــــــــور ..

رغم التراب ، ليه كانت الدنيا نور؟


11 comments:

Islam said...

sa3at el wa7ed bey7es b salam men el 2a3da fel beet 2alwan 2a2al sor3a 2a2al 7arakat 2a2al she3our zay el floating keda w heya kanet fe3lan tourab bs kan fih nour kteer duno how :D bs aih 7ekayet el 7amama dy?

Sara Swidan said...

Islam ...

الحمامة محدش ماسكها ..

هية اللي مش عايزة تطير...


امتى بقى حتاخدني برج حمام ؟؟

mostafarayan said...

انا شايف انها كان نور لأنك كنتي قاعدةبالعند مع الحكومة اللي انت اكيد مضايقة منها زي مانا وناس كتير غيرنا مضايقين

mostafarayan said...

بصي ياسارة انا عايز اقولك حاجةواقبليها مني اكتر حاجة بتضايقني في المدونات هي حكاية حفظ التعليقات دي مش من حق مالك المدونة يحفظ رأي حد او يقرر ينشر رأيه او لاء لأن مش بس دي كبت لحرية الرأي انما كمان تعدي علي حرية غيرك احنا هنا مش في جرنال وانتي رئيسةالتحرير ولا بنعمل فيلم وانت السيد رئيس الرقابةياريت تلغي حوار الحفظ
وتقبلي مرورى

t3ban said...

طب ليه تستني حد يقلك اضراب
متضبي كل يوم
هو لازم حد يشتغلك
و ليه تنضمي لحركة
متحجزيلك يوم وليكن 12 سبتمبر
مش حتلاقي أيام فاضية بعد كدة
الي حصل ده أسمه هزي
احنا بنزاول نفسنا

إبـراهيم ... معـايــا said...

مش عارف ، أوقات بحس القعدة ف البيت كســـل آآآخـــر حاجة، وأوقات بتبقى حق الإنسان في الراحة، وممارسة حياة فاااضيـة، أو قراءة كتاب مع كوباية نسكافية .....

إيه اللي أنا بقوله ده !!
للأســـف أنا أضربت × الشــارع يا سـارة !!
**************
أشوفك على خيـر

Sara Swidan said...

mostafarayan ...

صح .. عندك حق 100 ف الـ 100 ..

لكن أنا مش عاملة البلوج دة عشان حرية آراء القراء على فكرة . آراء القراء طول ما هي بتحترمني كانسانة ، و بتوجهلي كلمة أو فكرة باحترام .. ف نشرها هيكون على عيني و راسي ..

لكن ماتكونش قاعد ف آمان الله وتلاقي تعليق جي من ناس واضح إن دي لعبتها ف الحياة .. يبعتوا شتايم و قرف ع البوست ... اللي أصلاً بيكونوا ماقروهوش ..

حاجة تقرف يا شيخ ..
آدي الحرية ..

الحرية إنك تكون مسئول 100% عن أفعالك ..
بيتهيألي إحنا مش جاهزين لحرية التعبير دي ..

لكن شكراً على صراحتك ف إنك تعرَّفني إنت بتفكر ف إيه لما التعليق بتاعك ممكن يتنشر أو يتشطب على حسب م أنا عايزة ..

شكراً وحياة ربنا

Sara Swidan said...

t3ban ...

كلمة بس بتلح علي من امبارح نفسي أقولها لكل حد يقوللي إللي إنت قولته ...

"There's a 1st time 4 everything ..."

احنا لسة بنحبي على ركبنا عشان نتعلم إزاي أصلاً نعترض ...

اللي حصل دة كان متوقع ..

التهريج و الفوضى .. و الناس اللي مابتصدق تتجمع عشان تعمل أي فوضي و أي فرقعة و خلاص ..

متوقع

Sara Swidan said...

إبـراهيم ... معـايــا ...

ماشي...

لكن التزمت؟؟
يعني أضربت عن الشراء؟؟

ولا الاضراب كان ع التجارية؟؟

:)

Islam said...

lol awel mara ashouf el hegoum dah 3ala sara makansh beye7sal keda abl keda f aih gedid :D w bel nezba l Ibrahim el 7orya mesh ma3naha 3ashan shouft wa7ed labes wi7esh te2olo enta gahel w ma3adaksh zou2 w mesh el 7orya 3ashan fih wa7ed b tekraho l allah f allah te2om te2tilo dy esmaha ananeya mesh 7orya w ba3din enta da7'alt w 2ariet la2itha ya sidy keda we7sha mat7'oshish tany :D w bel nezba l Ibrahim :D enta raye2 :D

Sara Swidan said...

Islam ...

هوة على فكرة المثل اللي ضربه مصطفى عن الحرية ، عنده حق فيها ..

أنا بالفعل بقيد حرية القراء .. و دة عشان أنا بتحمل الغوغائية اللي بتحصل من عدد مش بطال من الناس اللي داخلة البلوج تغلس ع المدون أو ع الناس ...

لأ .. الناس ع المندونات مش جاهزة أوي للحرية ..

هوة دة اللي أنا بقوله ..

و اللي بيحصل دة .. التجاوزات دي و كدة ، مش حاجة غريبة أو تعني إن في هجوم عليا مثلاً أو كدة .. لأ . هوة زي ما قلت .. استظراف م بعض الناس .. و قلة أدب ناس تانية ..

عادي يعني .. حاجة ملهاش دعوة بيا أنا شخصياً أو بالكتابة يعني ..