Saturday, April 5, 2008

علينا و على أعداءنا


يا جماعة !!


حقول خلاصة كدة عشان مافيش وقت ، و سمعت حاجات تهلِّك م الضحك ...

الاضراب بتاع بكره مش من جهة الحكومة .. يعني الحكومة مش اللي منظمة الاضراب و اللي مش هيضرب هيتقبض عليه و الكلام دة ...

و الاضراب مالوش أي علاقة باهانة الرسول صلى الله عليه و سلم ...


الاضراب لا يعني إلا بـــــــالـــــغـــــلاء ...


و بس..

اقعدوا ف بيوتكم أو إنضموا للناس ف الميادين المهمة ف محافظتكم أو كدة ..

أكيد كمان مش حتتجمعوا و تعملوا اضراب ع القهوة ..


ماحدش يصرف ولا مليم ف اليوم دة ..

هية دي فكرة الاضراب ..

نثبت إن احنا مركز التحكم ... بالقوى الشرائية اللي معانا ..


بس !

فهموا بعض و اعملوا سيرش ع الجوجل .. و اعرفوا أكتر ..

عشان مانمشيش مع بقية القطيع ..

اللهم بلغت ..

5 comments:

إبـراهيم ... معـايــا said...

طيب ، رغم إني مش مقتنع لسـه ، بس أما نشوف !!!

Foxology said...

اولا انا ضد فكرة الأضراب مش لأنى معايا كارنيه الحزب ولا حاجة بالعكس انا مكوى من الغلاء اللى هرا جتة البلد

ثانيا الأضراب بمعنى انى اقعد فى بيتنا اليوم ده بحجة انى اخسر الحكومة لما مصرفش ولا مليم لا ف مواصلات ولا غيره يبقى اليوم اللى هقعده فى البيت منزلش هيتخصم من مرتبى طبعا اخر الشهر ده غير انى ههستهلك كهربا سواء تلفزيون او كومبيوتر زيادة لأنى قاعد طول اليوم فرااااغ ده غير انى اكيد قبلها بيوم هكون اشتريت حاجات تكفينى اليوم ده اكل وشرب الخلاصة انى انا اللى خسران مش الحكومة

ثالثا : من امتى والحكومة بتسمح بتجمعات او تظاهرات سلمية ؟؟؟ محدش شاف بيان وزير الداخلية اللى قال اننا هنتصدى لأى محاولات للتحريض ؟؟؟؟؟ حد ضامن ان البلطجية اياهم يندسو وسط الناس ويولعوها علشان الأمن المركزى يشوف شغله ؟؟؟؟؟

مجرد رأى :)

السـيد شبـل said...

برافو عليكى يا ساره

t3ban said...

هههههههههههههههههههههه
اضراب
ههههههههههههههههههههه
منصرفش ولا مليم
واحد صاحبي بيقلي اشتري حاجتك كلها الناهردة علشان متشتريش بكرة
ممممممممممممم
طب منعمل زي اليهود
نرمي الشبك الجمعة
ونصطاد الأحد
علشان حرام الصيد يوم السبت
أضراب مين و الناس نايمين
الي عايز حقه
يضرب لحد ميرجعله
الوداااع عليكي يا
يا
ارضي

Islam said...

walahy ya gama3a el edrab dah mesh 7aga 3'alat w 2iza konto fakreen en el 7okoma me3arda el mawdou3 w msh 2adreen ye3melo 7aga teb2o 3'altanen 3ashan law homa 3ayzin yew2ifo el edrab dah kano gabona ana w ento w sara men beyoutna w homa 3arfeen en wala 7aga 7ate7sal shewayet shabab tayshin kolo 7ayrou7 3ala fashoush bs ely momken yedaye2hom ta3til el masali7 beta3et el 7ekoma msh felousak wala moratabak ya FOXOLOGY 7ay2asaro ma3a el 7ekoma f 7aga ely 7ay2asar masl7aet el gamarek f alex suze canal in portsaied el baladeyat wel ma7aleyat lama enta to2af fih link men el chain 7ato2af wel 7ekoma evently 7ate7'sar w heya 3arfa bs 2adaa a7'af men 2adaa sebohom yehalilo w ne7'sar kam million a7san mayigy f mozahra mesh motawaki3enha w ye7'arabo el balad got it? w ba3din mahy in europ kol esbou3 ye3mlolhom edrab youm 7asal aih nothin fokokom :D