العرض الأول الثلاثاء الموافق 29 يناير 2008 . الساعة 8:00 مساءُ . (دخول للجميع)
في الجيزويت .
و سيكون ضمن الحضور المخرجة نادية كامل . و ندوة بعد العرض .
الفيلم وثائقي . أثار جدل واسعاً .. محاكمات و حاجات كدة ضد المخرجة (المتهمة بالتطبيع) .
و من ناحية تانية الفيلم فاز بجايزة أفضل فيلم وثائقي في مهرجان سان فرانسيسكو ...
علامة تعجب .. مألوفة !
دي لينك مدونة الفيلم للي مهتم ..
العرض بكرة يا جماعة .. الدعوة عامة ..
أنا عن نفسي رايحة . رغم احساسي بإن كل صحابي حيبيعوني..
ملحوظة بخصوص البوست اللي فات : أنا لسة جاية من الجيزويت . و سلِّمت الاستمارة و إيدي بتترعش .. الراجل افتكرني سقعانة !
اللي عندة سؤال يبعته تعليق
11 comments:
جميل يا ساره
انا على فكره ضد التطبيع..
بس ناوى اشوفه ف كتب خان
ابقى اتاكدى انه هيبقى هناك
ساره ازيك
جميل قوى اللى انتى بتعمليه
انا بالرغم من موقفى الثابت الرافض للتطبيع
هروح اشوف الفيلم واعرف وجهة نظره ف كتب خان " ان شاء الله"
ابقى اتاكدى انه هيعرض هناك
....
هو الصور اللى ف البانر انتى اللى مصوراها ... لو كان اعذرينى انا اخدت صورة المحبره والقلم والكراس
وما كنتش اعرف انك انتى اللى مصوراها
سلام
السـيد شبـل...
على فكرة أنا من اسكندرية ..
و العرض بتاع انهاردة (29 يناير) في الجيزويت اسكندرية ..
مش عارفة إذا كان في عرض ف كتب خان أو لأ .. و إذا كان ف كتب خان في عروض أفلام أساساً أو لأ !
بالنسبة للصور .. ف الصورة اللي إنت أخدتها مش أنا اللي واخداها .. دي لاقيتها ع النت باين ولا إيه .. مش فاكرة بصراحة ..
لكن صور البانر اللي أنا وخداها هي بس " نظرية الريح و العمود" .. و "عود البخور"
بس كدة
سبقتك المره دى
عامله ايه يا بنتى؟؟؟
e7na...
هوة دة العشم برضه !!
أنا الحمد لله كويسة . إنت فينك ؟
بلوج جميل وانا عموما قهوتى مانو بن زياده موجوده ولا ايه
إيه رأيك في الفيلم بعد مشاهدته؟
وإيه الدورة اللي إنتي قدمتي فيها في الجزويت؟
صوت من مصر...
تحب أعملَّّك حلبة حصى !!
:)
نوَّرتني .. أول تعليق مش كدة ؟
alzaher...
الفيلم جميل والله يا عمرو .. فيه خصوصية و دفا أسري و عائلي كدة . ألفة . اللي هوة حسيت إن الناس دول أهلي . نفس الألفة !
لكن في حاجات وقعت مني . العائلة كبيرة أوي أوي .. و متشعبة . ف كل شوية يطلع واحد أو واحدة كدة و أنا مش عارفة هما مين ..
لكن بالنسبة لدماغي أنا . انا شايفة إن الفيلم ف ناحية ، و الاتهامات الموجهة للكخرجة ف ناحية تانية خالص يعني !
بس !
انا قدِّمت ف ورشة السنيما و صناعة الأفلام .
لسة محدِّش رد عليا ّ..
ادعي يا عمرو !
Cognition-sense...
تاني تعليق يكون فيه المكتبة دي .. المكتبة هي كتب خان أكيد!
حيتعرض تاني أكيد ف الساقية أو أي حتة . الفيلم يستاهل يا جماعة .. بس اللي حيروح يشرب قهوة و يصحصح كدة للفيلم عشان مافيش حاجة تعدِّي من تحت عينه مايفهمهاش
نوَّرتيني . بقالك كتير مابتبعتش تعليقات
comment 2nd experiment : this is ur biggest fan this is stan !!
hal tsm3ne ?
Post a Comment