Monday, January 28, 2008

ســـلـــطـــة بـــلــــدي



العرض الأول الثلاثاء الموافق 29 يناير 2008 . الساعة 8:00 مساءُ . (دخول للجميع)

في الجيزويت .

و سيكون ضمن الحضور المخرجة نادية كامل . و ندوة بعد العرض .

الفيلم وثائقي . أثار جدل واسعاً .. محاكمات و حاجات كدة ضد المخرجة (المتهمة بالتطبيع) .
و من ناحية تانية الفيلم فاز بجايزة أفضل فيلم وثائقي في مهرجان سان فرانسيسكو ...

علامة تعجب .. مألوفة !

دي لينك مدونة الفيلم للي مهتم ..

العرض بكرة يا جماعة .. الدعوة عامة ..
أنا عن نفسي رايحة . رغم احساسي بإن كل صحابي حيبيعوني..

ملحوظة بخصوص البوست اللي فات : أنا لسة جاية من الجيزويت . و سلِّمت الاستمارة و إيدي بتترعش .. الراجل افتكرني سقعانة !

اللي عندة سؤال يبعته تعليق

13 comments:

السـيد شبـل said...

جميل يا ساره

انا على فكره ضد التطبيع..
بس ناوى اشوفه ف كتب خان
ابقى اتاكدى انه هيبقى هناك

السـيد شبـل said...

ساره ازيك

جميل قوى اللى انتى بتعمليه

انا بالرغم من موقفى الثابت الرافض للتطبيع
هروح اشوف الفيلم واعرف وجهة نظره ف كتب خان " ان شاء الله"
ابقى اتاكدى انه هيعرض هناك
....
هو الصور اللى ف البانر انتى اللى مصوراها ... لو كان اعذرينى انا اخدت صورة المحبره والقلم والكراس
وما كنتش اعرف انك انتى اللى مصوراها

سلام

Sara Swidan said...

السـيد شبـل...

على فكرة أنا من اسكندرية ..

و العرض بتاع انهاردة (29 يناير) في الجيزويت اسكندرية ..

مش عارفة إذا كان في عرض ف كتب خان أو لأ .. و إذا كان ف كتب خان في عروض أفلام أساساً أو لأ !

بالنسبة للصور .. ف الصورة اللي إنت أخدتها مش أنا اللي واخداها .. دي لاقيتها ع النت باين ولا إيه .. مش فاكرة بصراحة ..

لكن صور البانر اللي أنا وخداها هي بس " نظرية الريح و العمود" .. و "عود البخور"

بس كدة

e7na said...

سبقتك المره دى


عامله ايه يا بنتى؟؟؟

Sara Swidan said...

e7na...

هوة دة العشم برضه !!

أنا الحمد لله كويسة . إنت فينك ؟

صوت من مصر said...

بلوج جميل وانا عموما قهوتى مانو بن زياده موجوده ولا ايه

alzaher said...

إيه رأيك في الفيلم بعد مشاهدته؟
وإيه الدورة اللي إنتي قدمتي فيها في الجزويت؟

Cognition-sense said...

أنا رحت عشان أشوفه بمكان قريب من سكني
هو كان معروض بمكتبة
بس كانت زحمة جداً والمكتبة كان مافيهاش تهوية
فاتخنأت جداً

بس أنا عرفت عنها من مدونتك
شكله حلو كنت أتمنى إني أكمله

بس شكراً ليكي على كل حال

Sara Swidan said...

صوت من مصر...

تحب أعملَّّك حلبة حصى !!

:)

نوَّرتني .. أول تعليق مش كدة ؟

Sara Swidan said...

alzaher...

الفيلم جميل والله يا عمرو .. فيه خصوصية و دفا أسري و عائلي كدة . ألفة . اللي هوة حسيت إن الناس دول أهلي . نفس الألفة !

لكن في حاجات وقعت مني . العائلة كبيرة أوي أوي .. و متشعبة . ف كل شوية يطلع واحد أو واحدة كدة و أنا مش عارفة هما مين ..
لكن بالنسبة لدماغي أنا . انا شايفة إن الفيلم ف ناحية ، و الاتهامات الموجهة للكخرجة ف ناحية تانية خالص يعني !

بس !

انا قدِّمت ف ورشة السنيما و صناعة الأفلام .

لسة محدِّش رد عليا ّ..

ادعي يا عمرو !

Sara Swidan said...

Cognition-sense...

تاني تعليق يكون فيه المكتبة دي .. المكتبة هي كتب خان أكيد!

حيتعرض تاني أكيد ف الساقية أو أي حتة . الفيلم يستاهل يا جماعة .. بس اللي حيروح يشرب قهوة و يصحصح كدة للفيلم عشان مافيش حاجة تعدِّي من تحت عينه مايفهمهاش

نوَّرتيني . بقالك كتير مابتبعتش تعليقات

Anonymous said...

comment 2nd experiment : this is ur biggest fan this is stan !!

hal tsm3ne ?

TheGrace website / موقع النعمة said...

Warm welcome to Alnemat TheGrace Arabic Christian Internet Magazine, We love you! Please visit us at:

In TheGrace opportunity to meet Jesus the Savior / في النعمة فرصة للقاء المُخلِّص يسوع المسيح
http://www.TheGrace.net

Salvation pardon peace life certitude mercy in Jesus / خلاص غفران سلام حياة يقين رحمة في المسيح
http://www.TheGrace.org

Arabic Christian Magazine The Grace offering the Arabic Bible / النعمة تقدم الإنجيل الكتاب المقدس
http://www.TheGrace.com

نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible audio Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /
Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.