Monday, January 28, 2008

صــورة شـخـصـيـة


حاجة ضاعت مني!

أو تقريباً ماكانتش عندي من الأساس ..

من كام يوم نزلت أجيب استمارة ورشة السنيما من الجيزويت .. و لما رجعت البيت ، قريتها بتمعُّن . و فجأة لقيت نفسي بقول لنفسي : "إيه الأسئلة التعجيزية دي؟" أكني بالظبط قاعدة ف لجنة امتحان و مش عارفة اجابات الأسئلة دي في أنهي ملزمة ، و لا من أنهي دوسيه ..

عرفت إني ماعرفتش أنقذ نفسي .. فشلت ف انقاذ نفسي فعلاً ..
سامعة كــــل البشر بيهبهبوا و يقولوا التعليم ف مصر لاوم يتطوَّر و يتقدَّم و .... كل الكلام دة ..
و أنا بسمع زي العبيطة كأن الموضوع مايخصنيش..

ما تجاوبي ع الأسئلة يا عبيطة زي ما تحبي .. عايزة لجنة و مراقب ف استمارة كمان ..؟؟!!



تاني يوم فضلت متسمَّرة قدَّام الاستمارة ..باكل ف غطا القلم ..

أنا السبب.. مش حد تاني

6 comments:

أحمد منتصر said...

ما هو لو مملتيش الاستمارة حتنيها قدامك طول العمر

ولا إيه؟

alzaher said...

كويس إنك نبهتيني
لأني كنت ناوي أقدم في المركز ده برضة

Prozaaak said...

ummmm ...
momken sorah men el 2stmara dy ...
3ayez 23aref 2eh el 3oyes 2wy keda feha !!

Sara Swidan said...

أحمد منتصر ...

لأ الحمدد لله إتشجَّعت و خلَّصتها !

ف يومين .. بنام و أقوم و أدخل سنيمات و أخرج من سنيمات .. و أقرا و آكل و أتفرَّج ع التلفزيون .. و حاجة واحد ف باي مش بتتغير .. الاستمارة

شكراً على تعليقك يا أحمد .. دة أول تعليق أنا متأكدة

اتفضَّل اشرب قهوتك
نوَّرت

Sara Swidan said...

alzaher ..

طب إلحق نفسك بسرعة بقى عشان حيبطَّلوا يستلموا استمارات يوم 31 يناير

إجري جري بقى ..

أو استني يناير 2009

:)

Sara Swidan said...

Prozaaak ...

للأسف يا شريف لسة مسلِّماها انهاردة ..

كنت ناوية أكتبها سؤال سؤال هنا ع البلوج .. لكن كسلت ..

هي طويلة نسبياً ..

حمد الله ع السلامة . (أنا و إنت بقى عارفين إنت كنت فين!!)

معايا؟

يللا نوَّرت و أمري لله