Saturday, January 26, 2008

بلكي من شقوق الحيطان


بقالي كام يوم مش عارفة أسمع غير "جوليا بطرس" . مستغربة . لكن راضية .
كزا أغنية كدة معلَّقة عليهم . في حاجة جوليا بطرس ممكن تغلط و ترتكبها من غير ما تحس .. لو فضلت تغني أغاني وطنية كتير ، بيتهيألي الناس حتزهق .

الجرامافون * فيه حاجة غلط مش عارفة أجدد الأغاني عليه . و مش عارفة أحط أغنية "عم تغفى الساعات" اللي حتاكل من ودني حتة .. بس عادي يعني . غالباً معظمكم يعرفها ، و يعرف جوليا كويس .

ببعت لـ "شريف" إيميلات مش بيرد عليا ..و بالتالي مش عارفة أصلَّح الجرامافون .

مش مشكلة . اللي مضايقني فعلاً .. إن في حاجات واقعة مني ف الأغنية ، كلمات مش سمعاها كويس ، أو يمكن مش فاهماها . و بضايق أكتر يعني لما بلاقي إن مافيش موقع مهتم بكلمات الأغاني زي الأغاني الأجنبي . عبيطة أنا؟ هو دة اللي مزعلني أوي؟؟ ماشي !
و من هنا لقيت نفسي بوصَّل السماعات عشان أسمع الأغنية كويس .. و أعرف كلامها المظبوط .. و أكتبه .. و أبعته ع البلوج . عشان اللي بيدوَّر ع الجوجل يلاقيها ..

و وقعت . راسي إتخبطت ف السؤال ؛ أنا من إمتى بقيت مسؤولة أوي كدة و مصدَّرة نفسي ف وش المشكلات و الحاجات الناقصة اللي حكمِّلها ..؟؟

و الإجابة وصلت .. ما بقتش كدة ، إلا لما الناس اللي حواليا بقوا مسنودين و مـِتــَّـنــِّـكــيـــن أوي . أكتر من العادي .

يا ترى دة حيدوم؟
يا ترى لازم ألبي؟

لازم دلوقتي أكتب (اللي فهمته من) أغنية "عم تغفى الساعات" ؟
لازم أقوم ألِم الغسيل م البلكونة و الدنيا عمالة تشتي؟؟
لازم أتصل بـ "يارا " أشوفها وصلت لفين؟
لازم أتصل بـ"لميس" بكره عشان أعرف عملت إيه ف حوار كورس الفرنساوي؟
لازم أصحى بكره بدري عشان أدردش مع مامي بخصوص مكان عربيتها اللي اتاخد بلطجة امبارح بالليل؟

لازم؟

لازم يبقى في ديل ورايا من الحاجات اللي مش حتخلص ، و مش حتكمل إلا بخطوة مني؟؟



ممكن بكره شريف يرد عليا ، و يحللي مشكلة الجرامافون.. و ساعتها هحط الأغنية .. و وقتها مش حيبقى قدَّامي مفر من كتابة الأغنية ..

معضلة !

أنا حكتب كلمات أغنية عم تغفى الساعات :

عم تغفى الساعات،
سرَّبوا أصحابي،
ضجر مني كتابي،
هربت الكلمات.

قنديلي احكيلي ،
عن سفرة طويلي،
بسمع بتناديلي ،
و ماعندي طرقات .

اتحرَّك !
يا ها الوقت الختيَّر بارد متل حجار .
تلج بقلبي عم يتكسَّر ،
و اللحظة مسمار .

بعدك ناسي و بتتأخَّر .
وينك؟!

هب الريح الأصفر ،
و لم العمر و طار .

راح أحفر بيتي التعبان عالليل العتيق ،
بلكي من شقوق الحيطان يخلق شي طريق .
بلكي من خلف النسيان ،
هيك بيمرق له عطشان ،
آه ، يطفِّي هالحريق .



الكلمات (اللي كانت قبل التحديث) مايلة ، كلمات أنا مش متأكدة إني سمعتها كوَّيس .. إللي ساعدتني فيه عـلا - من غـزة - طوق النجاة في ظرف 24 ساعة بعتت تعليق فيه تصحيح الكلمات .
الصورة : مج عملته ف رمضان .. و كنت مبسوطة بيه جداً .. و لسه بحبه !
* : البوكس اللي فيه أغاني فوق ع اليمين .


بيتهيألي دلوقتي مصيري و مكاني أوضح ..

هوة لازم !
لازم ..

16 comments:

Moustafa` said...

السلام عليكم
قريت وقريت
جميل وحلو بس محور حياتنا اكبر من كده
نحصر اهتمامتنا فى اغانى ولايركس وخلاص
التامليه فى المسؤوليه لما الكل بيتخلى ويتعنطز بيها حلوه النظرده دى عاجبانى
البوست بتاع صلاح حلو
سعيد برجوعى للمدونه
ورجوعك للتدوين
سعيد اكتر بالنيولوك ده
الف مبروك
إلى الامام دائما
تحياتى

CoOl GuY said...

hmmmm great kan nefsy asma3ha bs lel 2asaf el zerouf ba2a ;) 7agat ktira sha3'la tafkirek ma7zouza el tafahat ely toul 3omraha ben2ol 3aliha tafha w ma3a zalik 7ayatnma b tetma7war 3aliha yemken 3ashan heya tafha!!! fa ben7awel ne7ilaha 3ashan 3arfin en 7alaha sahl w benehrab men el 7agat el kbeera 3ashan 7'ayfin newagih el 7a2i2a zay el natiga emta .... mama 7ate3mel aih law 7asal kaza aw kaza ... tabi3a bashareyaw yemkin 3ashan haidy enty bidik te3'fa el sa3at w ma teshoufy shou bidaha te3mil :)

السـيد شبـل said...

حمد الله على السلامه

متبقيش تغيبى بالشكل ده تانى

Foxology said...

كتير بنبقى مش فاهمين او سامعين الكلمات كويس بس بنبقى حاسين اوى بالأغنية وعارفين هى عاوزة تقول ايه

بوست جميل وبالنسبة لموضوع مكان العربية اللى اتاخد بلطجة ده انتى انزلى هاتيلك عمودين حديد من عند الحداد ونص شيكارة اسمنت وصفيحة مية وسلسلة بقفل من عند الراجل بتاع الحدايد وهوب اعملى العمودين فى الأرض وثبتيهم بالأسمنت والمية وبينهم السلسلة ام قفل كبير ومفتاحه معاكم اركنو العربية بين العمودين وشدو السلسلة واقفلو عليها وقابلينى لو حد قدر ياخد المكان تانى بلطجة هتقولى البلدية والحى اقولك صباح الخير يا مصر :))

سلامز انا ماليش دعوة لو نفذتى فكرتى :))

Sara Swidan said...

frake_ghost...

بتباركلي ع النيو لووك .. دة إنت من زمان بقى تعرف البلوج هنا..

أنا بجد مبسوطة إن رواد البلوج مايأسوش مني . لسة!!

:)

شكراً جزيلاً وحياة ربنا

Sara Swidan said...

Islam..

كنت متأكدة إنك حتفهم..
بس أنا استهيفت نفسي ..لكن قلت أحسن من إني يبقى عندي بلاوي ف الحياة معرفش أعمل فيها حاجة ..

أنا لسة محظوظة يا جماعة . أنا مش بسحب الكلمة !

Sara Swidan said...

السـيد شبـل...

شكراً يا سيد !

أنا بقى اللي عايزة أقوللك على البلوج بتاعك إنه إطوَّر و نوَّر و بقى فيه روح .. و حاجة كدة شبه الهدف !

ألف مبروك
:)

Sara Swidan said...

Islam..

كدة؟ حلو كدة؟

علا من غزة said...


مرحبا يا سارة كيفك ؟
والله انا متابعاكي من زمان بس ولا مرة علقت ..
فعلا البلوج شكله الجديد كتير حلو!

انا بحب اسمع جوليا .. بس يمكن مش بعرف كل اغانيها .. والاغنية الي بتحكي عليها من الاغنيات الي ما بعرفها ..

--------
شوفي يا ستي .. بالنسبة للكلمة الاولى ..

يا ها الوقت (الختير) بارد متل حجار

باللغة الشامية .. الختيار معناها الرجل العجوز .. لما نحكي عن شئ انو "ختـْيـَر" بنقصد انو قدم او عجّز

يا هالوقت الي ختيَر بارد متل حجار

----

الكلمة التانية ..
هيك (بيمرق له) عطشان

ممممم انتي كتبتيها زي ما بتتلفظ ..
معنى "بيمرق" زي مثلا مر من هنا او عدّى .. وحتى جوليا في الها اغنية بعنوان "ما مرق" .. يعني ماجاش , ما عدّاش .. كدة يعني

-----

انا معاكي في قصة نقصان مواقع كلمات الاغاني :S
باحتاجها كتير خاااصة مع الاغاني الخليجية

فا ما تحسيش انك لوحدك بتفكري في حاجات "تافهة" زي كدة ههههههه عادي كل واحد فينا لازم "تمرق" عليه لحظات تفاهة :p

اي خدمات تانية يا فندم ؟! اوكي يلا سلام :)

Sara Swidan said...

Foxology...

مش أول حد يقوللي الفكرة دي طبعاً .. لكن دة يبقى رد البلطجة ، بالبلطجة !!

و دي مش أخلاقي الحقيقة ، ولا أهلي ..

إحنا بتوع شعارات - زي ما الناس بيقولولي !

لكن شكراً ع الاهتمام .. أنا كنت افتكرتك نسيتني !

Sara Swidan said...

عـلا - من غـزة...

مش عارفة أقوللك إيه...

شكراً بجد .. بكدة نكون أنا و إنتي شلنا وزن من على كاهل اللي بيبحثوا عن كلمات الأغنية ..

إيدك معايا بقى نكتب كلمات الألبوم كلمة كلمة !!:)


شكراً بجد .. و يارب مايكونش آخر تعليق بجد يا علا

CoOl GuY said...

ah keda 7elw ;)

alzaher said...

حمد لله ع السلاااااااااااااامة
أخيرا تدوينات جديدة
على فكرة،أنا كمان بأحب جوليا بطرس جدا
:)

Sara Swidan said...

alzaher ...


أنت كمان يأست مني؟؟

كان عندي امتحانات والله ..

الحمد لله خلصت زي انهاردة الاسبوع اللي فات!

إنت فينك؟

Anonymous said...

fal2teny beha fa3ln:D:):P

P=S=Y=C=H=O said...

7araaaam 3aleky ya shi7'aa
fal2teny behaaaaa
7at7'lena akrhaa:P

bas eh eli fakrek beha el yomen dol;)