الشطرنج لعبة هايلة . كلها ذكاء و خطط و استراتيجيات ... آه !
لكن اللي اخترع الشطرنج ... ماكنتش أنا ف حسبانه خالص ...
الشطرنج بالنسبالي -لما بتفرج على اتنين بيلعبوا شطرنج ، بحس إني مش مبسوطة أوي ..
واحد أعرفه جداً اكتشفت إنه مهووس شطرنج و بيحبه جداً . اتخضيت جداً ... الشطرنج عايز مكر ، و نيات غير معلن عنها .. أنصب الفخاخ أنا و أستنى اللي قدامي يقع فيها ... و ف نفس الوقت ممكن أقع أنا ف فخ تاني ...
غريب الشطرنج ..
مش بحبه . لكن عندي دايماً فضول إني أفهمه .. مش يمكن ف يوم م الأيام اكتشف إن كل اللي حواليا و بحبهم بيحبوا الشطرنج زي "أيوب" ... مش يمكن أحب ف يوم م الأيام ألعبه ؟؟
بتمنى أوي .. أوي .. إني لو لعبت شطرنج ... أبقى دايماً الواحدة اللي بتتغلب . كل دور .
زمان جداً . كان عند جدتي لوح شطرنج ، و القطع كانت بتتحط ف حاجة شبه سـَبـَت خوص كدة .. عرفت من بابي إزاي أرصهم ..لكن أنا كنت شايفة متعة تانية ف الشطرنج . كنت أثبت الملك الأبيض ، و الوزير (اللي أنا أقنعت نفسي إنه الملكة ) ... و أوقـَّف جمبهم الحصانين ...و العساكر قدامهم على شكل حرف
"v"
و أعمل كرنفال كبير ف المملكة بتيجي فيه الأفيال ، يعملوا استعراضات .. و ف النهاية بقى باكتشف (أنا اللي باعمل كل دة المفروض ... و باكتشف) إن كل دة حفل ترحيب ب الملك و الملكة اللي لونهم إسود ...
مش بحب الشطرنج فعلاً ... بيقول حاجات كتير عن طريقة تفكير الطرف التاني ...اللي لو فكرت فيها كتير ... ممكن الصورة تتغير ..
أنا أفضَّـل إني أعمل كرنفال ترحيب بالملك التاني ... و حتى ممكن أسمحله باحتلال مكاني . أو إني أتغلب كل دور ...
عن إني ألعب فعلاً بنية إني أغلب
لكن اللي اخترع الشطرنج ... ماكنتش أنا ف حسبانه خالص ...
الشطرنج بالنسبالي -لما بتفرج على اتنين بيلعبوا شطرنج ، بحس إني مش مبسوطة أوي ..
واحد أعرفه جداً اكتشفت إنه مهووس شطرنج و بيحبه جداً . اتخضيت جداً ... الشطرنج عايز مكر ، و نيات غير معلن عنها .. أنصب الفخاخ أنا و أستنى اللي قدامي يقع فيها ... و ف نفس الوقت ممكن أقع أنا ف فخ تاني ...
غريب الشطرنج ..
مش بحبه . لكن عندي دايماً فضول إني أفهمه .. مش يمكن ف يوم م الأيام اكتشف إن كل اللي حواليا و بحبهم بيحبوا الشطرنج زي "أيوب" ... مش يمكن أحب ف يوم م الأيام ألعبه ؟؟
بتمنى أوي .. أوي .. إني لو لعبت شطرنج ... أبقى دايماً الواحدة اللي بتتغلب . كل دور .
زمان جداً . كان عند جدتي لوح شطرنج ، و القطع كانت بتتحط ف حاجة شبه سـَبـَت خوص كدة .. عرفت من بابي إزاي أرصهم ..لكن أنا كنت شايفة متعة تانية ف الشطرنج . كنت أثبت الملك الأبيض ، و الوزير (اللي أنا أقنعت نفسي إنه الملكة ) ... و أوقـَّف جمبهم الحصانين ...و العساكر قدامهم على شكل حرف
"v"
و أعمل كرنفال كبير ف المملكة بتيجي فيه الأفيال ، يعملوا استعراضات .. و ف النهاية بقى باكتشف (أنا اللي باعمل كل دة المفروض ... و باكتشف) إن كل دة حفل ترحيب ب الملك و الملكة اللي لونهم إسود ...
مش بحب الشطرنج فعلاً ... بيقول حاجات كتير عن طريقة تفكير الطرف التاني ...اللي لو فكرت فيها كتير ... ممكن الصورة تتغير ..
أنا أفضَّـل إني أعمل كرنفال ترحيب بالملك التاني ... و حتى ممكن أسمحله باحتلال مكاني . أو إني أتغلب كل دور ...
عن إني ألعب فعلاً بنية إني أغلب
***
بسمع دلوقتي أغنية "تحت العريشة " توزيع زياد رحباني مش عاصي رحباني ... و غناء فيروز طبعاً .. و مدخلاني ف موود الرواية ..
خايفة تكون آخر رواية أكتبها
خايفة تكون آخر رواية أكتبها
18 comments:
ana ba7eb el shatarang heya fekra kowaiesa fekret el salam enek te3mely caranval l your enemy king may be mayeb2ash fih 7arb bs keda el le3ba fakadet ma3'zaha yemeken kan asdohom en el le3ba dy ba3d ma mofawadat el selm 7'ilset (which in my opinion el tawla :D) lol bs ana ba7eb el chess awy i stayed plain it 5 years wara ba3d at least kol esbo3 mara meen ba2a ely bey7ebaha awy ya tara ayooub wala meen bs 3emoman momken ne3mel carnaval with 400 chess crew for u if u wanna :D
Islam ...
أنا شايفة إن اللعبة فعلاً مرهِقة ...
اللي هوة لو فضلت فوق الساعتين (و أكتر) بفكَّر ف طرق للوشاية بالمسكين اللي اتلطش ف عقله و قرر إنه يلعب معايا .. كنت من باب أولى قعدت ساعة واحدة بس ف القرارات و الحاجات المهمة ف حياتي .. اللي فعلاً مستنياني أفصل فيها من زمان جداً .
أنا عارفة إنك بتحب الشطرنج م الأول .. ماتخفش!
:)
وحشتني تعليقاتك وحياة ربنا
..
بتمنى اوى اوى انى لو لعبت شطرنج ....أبقى الواحده اللى تتغلب
الحمد لله كل اللى علمتهم اللعبه دى بيغلبونى
البوست حلو قوى يا ساره
وبعدين سؤالك عنى احرجنى
المفروض انا اللى أسال
انت احسن منى طبعا
أنا كنت زمان بحب الشطرنج أيام ما كان الواحد دماغه فاضية ، دلوقت بقيت بلعب استميشن اما أأحب افكر كويس وأراقب اللي حواليا
فيها جزء من ذكاء الشطرنج والتوقعات والقدرة علي التعويض ;)
ايه الجمال ده ياسارة.....
انت عارفه انا كمان مش بحب الشطرنج بس انا وانا ضغير كان ابويا جايبلى شطرنج وطاولة وحاجات كتير قوى م النوع ده.......
أصل ابويا كان مدلعنى شويه
المهم انا بقى كنت بحارب بالشطرنج يعنى ارمى العسكرى م البلكونة وابعت الحصان يدور عليه.......
بس انت عارفه لما دخلت الكليه اهتميت بالشطرنج قوى طبعا ما لعبتوش " اعوذ بالله"
لكن انا كنت عامل اسرة آة والله وكنت رئيسها
وكان لازم اعمل نشاط
تعمل ايه يا ابو السي يا ابو الاشبال
عملت دورة شطرنج مش واحدة ده انا عملت حوالى 20 دورة
وبقت دالدورة اللى بتتلعب عندى ف الاسرة هى كمان اللى بتاهل لدورى الجامعه
ودى كانت حكايتى مع الشطرنج والله قصة حلوة كنت كاتبتها عندى
----------------------
المهم ايه اللينك الضغير ده يا ساره
انا عايز لينك كبير
------------------
السيد شبل..بلاإسم
-----------------
وكان قصدك ايه بالسبرتاية
e7na...
يا راجل عيب عليك .. إحنا في بيننا الكلام دة ؟؟
ميرسي ربنا يخليك ... أنا أصلاً البوست مش عاجبني ... هو نوع من أنواع كسر الصمت .
بس مبسوطة أوي إنه عجبك . و استمر ف الخسارة ، مش هوصيك
...
With Myself...
مش بالظبط يا بني ... هو عشان انت مابتحبش تلعب .. يبقى اللي بيلعبوا دماغهم فاضية؟؟
:)
بس لو ع الاستيميشن ... يااااااااه ... بالساعات ممكن أقعد ألعب استيماشن ..
لكن العامل المشترك ( برضه بتجنب تماماً فكرة إني أغلب )...
و الغريب إني فجأة كدة بلا قي نفسي
king walla sub king
لوحدي كدة !!
فكرتني بأيام الضياع و الدماغ العالية !!
:)
السيد شبل ...
اعمله بوست يا شبل ... و ليا برضة نسبة أرباح .
:)
و مافيش لينك طويلة ... هو دة بس اللي كتبته م الرواية ع البلوج .. الباقي بقى ..
يا عالم ... (بكسر اللام)
كل البلوجز اللي بحطها عندي هنا ، بحطها تحت اسم "بن و فناجين و سبرتاية "...
من غيرهم ماتبقاش قهوة يعني
نوَّرتني ... و شكراً ع التعليقات المتكررة وحياة ربنا
سارة:
أنا قلت أما كانت دماغي أنا اللي فاضية ، دلوقت ما فييش دماغ للتركيز ساعتين في جيم شطرنج بيبقي صعب التعويض فيه علي عكس الاستميشن ;)
عموماً أنا بحسد اللي بيعلب شطرنج في وسط زحمة حياته أو الأيام الاعادية لأنه عنده فائض من روقان البال ;)
أنا من محبي الشطرنج أيضا
إلا أنني لست ماكرا بما فيه الكفاية لأكسبها
:)
With Myself...
الروقـــــــــــان .
آه ! ف دي عندك حق
alzaher ...
هوة دة اللي أنا بتكلم عنه
بتبقى مبسوط لما بتتغلب؟؟
لا مبسوط ولا زعلان
ما بتفرقش معايا
اللعب هو المهم
على فكرة، بقالك فترة ما بتجيش عندي المدونة
alzaher ...
متعة لحظية .. هايل!!
أنا آسفة والله يا عمرو أنا مقصرة مع كل البشر وحياة ربنا...
حعوضهالك والله!
أنا آسفة والله
عشان الشطرنج لعيها فيها مكر ودهاء دايما فاشل فيها ... انا عارف كويس انى من اطيب خلق الله ... ولو ان فيا حاجات مكبوته لما بغفل عنها مجرد ثوانى بتبقى عامله زى ماكون جيبت ذره وشاطرتها وطلع منها كل الحاجات الصغيره اللى جوه اللى بتفرقع فرقيعه كبيره اوى زى ماحصل فى هيروشيما كده !!
حتى الاستيمشن لعبتى المفضله كل الناس الىل اعرفها انا اللى معلمهلهم ... لانى يمكن متعلمها وانا عندى بتاع 12 13 سنه كده ... دلوقتى كلهم بيغلوبنى وفى اغلب الاحيان بطلع كوز
هو فيه ايه ؟؟
بس عارفه انا سابقك فى حاجه انى لسه بعمل كرنفالات ترحيب لحد دلوقتى !!
من كام شهر كده كانت بنت اخت واحد صاحبى عندا فى البيت ... والشطرنج كان محطوط على السرير ... خدتها وقعدنا وفرشنا الشطرنج ... عملنا جرنفالات ترحيب لملوك وملكات ... وعمالانا افراح لعرايس .. ويمكن كمان عملنا جزء من فيلم ستار وورز .. وخلينا الفيله ارشيدوقات فضائيه متوحشه عايزه تاكل الطبيتين المساكين عشان توصل للملكه وتخطفها وبكده يقدروا يرغموا الزوج المحب انه يسلم عرش " جاتكا" وهو مغلوب على امره
هو فيه يابنتى زى كرنفالات الترحيب :) !!
حتى الطاوله فى القهوه ... لازم اسيبها فى نص البوله من الزهق .. لو ليكى فيها هاتعرفى لعبة ال 31 ممكن تستمر لمدة قد ايه ... ولو بجد بتدورى عليه وعايزه تلاقينى فى اى قهوه وسط الناس اللى قاعدين ..... دورى بس على الشخص الوحيد اللى ماسك قواشيط الطاوله وعمال يعمل بيها تشكيلات لونيه على شكل ورده و دواير ومربعات !!
فعلا مافيش احلى من كرنفالا ت الترحيب
بس الفرق ... انى لما بتغلب فى الشطرنج او الطاوله او الاستيمشن ... دلوقتى بالذات مش قبل كده .. مابقتش حابب انى اتغلب او احتل دور المهزوم
ياما العبها كرنفالات ياما لو لعبت بجد يبقى لازم اعمل اللى اقدر عليه عشان اغلب ...
شايفه الشرر طاقق من عينى ... :)
بس انا غالبا مابحبش العب بجد الا فى اضيق الحدود لما الملل فعلا بياكلنى حيا
على فكره
مافيش حاجه اسمها وزير ... هم فعلا ملك وملكه فى اى حاه فى العالم الا مصر !!
صحيح ...
بما انك خايفه ان دى تكون اخر روايه بتكتبيها .. وانشاء الله اكيد صعب تبقى الاخيره
ممكن اقرى اى روايه من الحاجات اللى قبل الاخيره بشويه !!
يبقى قوليلى عشان بجد لو فيه يبقى انا عايز اقراهم ... اليومين دول ماسك فوضى الحواس بتاعت مستاغنمى .. بس مش عارف ليه مش مولفه معايا اوى دلوقتى زى اول ما ابتديت اقراها
يبقى قوليلى بجد
وبالنسبة للسمع ... انا بسمع دلوقتى مراّة الاخر بتاعت كاميليا جبران
ومش عارف ليه كاميليا جبران طعمها احلى واحلى فى الشتا
حاجه غريبه ؟
NIceee New Looooook
3agebny gedaaaan
Prozaaak ...
لأ..
امسك نفسك ف فوضى الحواس..
دي جامدة جداً .
و بالنسبة لكاميليا جبران ..
ربنا يعلي دماغك كمان وكمام يا معلم..
:)
أنا مش بشوف تعليقاتك لما بتتبعت خلاص
:(
Post a Comment